+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Almatydaǵy 3 jolaıryq qurylysy qashan aıaqtalady

2021 jylǵy 22 maýsym 16:46
Bólisińiz:
Almatydaǵy 3 jolaıryq qurylysy qashan aıaqtalady

ALMATY. QazAqparat - Almaty ákimi Baqytjan Saǵyntaev megapolıstegi úsh jol aıryǵynyń qurylys qarqynyn, metropolıtenniń ınfraqurylymyn jáne Abaı dańǵylyn qala shekarasyna deıin uzartý jumystaryn tekserdi, dep habarlaıdy QazAqparat tilshisi.

Uqsas jańalyqtar
Prezıdent tapsyrmasy: Qazaqstanda jol salý men jóndeýdiń keshendi jospary ázirlenip jatyr Qazaqstanda joldyń salyný barysyn baqylaıtyn jańa júıe engizilip jatyr «Qaraǵandy – Balqash» tas joly qashan paıdalanýǵa beriledi

Qala ákimi Almatynyń «shyǵys qaqpasyndaǵy», Buqtyrma kóshesi men Qulja traktisiniń qıylysyndaǵy jolaıryǵynda boldy. Qulja tas joly arqyly ótetin estakadanyń uzyndyǵy – 784 metr , Buqtyrma kóshesi boıyndaǵy týnneldiń uzyndyǵy – 570 metr . Jyl sońyna deıin jekelegen baǵyttar boıynsha kólik qozǵalysyn ashý josparda.

Nysandy tolyq paıdalanýǵa berý kelesi jylǵa kózdelgen. Bul Buqtyrma kóshesindegi kólik aǵynyn – 30%-ǵa, Qulja traktisinde ótkizý qabiletin 15%-ǵa arttyrýǵa múmkindik beredi.

Baqytjan Saǵyntaev Seıfýllın dańǵyly men Jansúgirov kóshesiniń qıylysyndaǵy týnnel túrindegi jolaıryqtyń jumys barysymen tanysty. Joba boıynsha Seıfýllın dańǵyly boıymen kóliktiń kedergisiz qozǵalysy úshin jalpy uzyndyǵy 690 metr bolatyn eki týnnel salý qarastyrylǵan. Kólik quraldarynyń kóshede júrýi. Jansúgirov kóshesindegi, sondaı aq ózge kólik qozǵalystary jer deńgeıinde ótedi. Tórt jer ústi jaıaý júrginshiler ótkelderin, trotýarlardy salý, aýmaqty abattandyrý jáne kógaldandyrý qarastyrylǵan.

Jobany 2022 jyly aıaqtaý josparlanǵan.

Qala ákimi Rysqulov dańǵyly men Emtsov kóshesi qıylysyndaǵy jolaıryǵy qurylysynyń qarqynyn tekserdi. Estakadanyń uzyndyǵy 186 metr, Rysqulov dańǵylynda – 8 metr, al Emtsov kóshesiniń boıynda 4 jolaq qarastyrylǵan.

Budan basqa, Baqytjan Saǵyntaev árleý jumystary júrip jatqan Saryarqa jáne Dostyq beketterindegi metropolıtenniń birinshi jelisiniń ekinshi kezeńiniń qurylys barysymen tanysty. Eki beketti tehnıkalyq iske qosý jyl sońyna josparlanǵan.

Sondaı-aq, Almaty ákimine Qalqaman beketindegi metropolıtenniń birinshi jelisiniń ekinshi kezeńiniń úshinshi iske qosý keshenin salýdyń jumys barysy týraly baıandaldy.

Jobada Dostyq beketinen Qalqaman beketine deıin uzyndyǵy 2,48 shaqyrym bolatyn Áshimov kóshesinen tómen salynatyn tonneldiń qurylysy qarastyrylǵan.

Jumys sapary kezinde Almaty ákimi Abaı dańǵylyn Qalqaman shaǵyn aýdanyndaǵy Momyshuly kóshesinen Áýezov kóshesine deıin úńgileý jumysynyń barysyn tekserdi.

Onyń jalpy uzyndyǵy 4,8 shaqyrym. «Shuǵyla» shaǵyn aýdanyndaǵy ıAssaýı kóshesinen Bereke kóshesine deıingi ýchaskeniń uzyndyǵy 3 shaqyrym, mundaǵy jumystar aıaqtalyp qaldy.

Joba boıynsha 6 jolaqty jol, trotýarlar, velojoldar salý qarastyrylǵan. Qurylys aımaǵynda ornalasqan ýchaskeler ýaqtyly satyp alynsa, onda jumysty aǵymdaǵy jyldyń sońyna deıin aıaqtaý josparlanýda. Osynyń arqasynda, Abaı dańǵyly Momyshuly kóshesinen Naýryzbaı aýdanynyń ákimshilik ortalyǵyna deıin uzaratyn bolady.

Baqytjan Saǵyntaev jolaıryqtary men kóshelerdi uzartýdyń barlyq nysandary boıynsha jumys kúshi men tehnıkany keńinen jumyldyrýdy, jumystyń sapasy men ýaqtyly atqarylýyn baqylaýdy tapsyrdy.

Budan ózge, tıisti vedomstvolardyń basshylary jobalardy iske asyrý kezinde týyndaıtyn máselelerdi jedel sheshýleri qajet.


Bizdiń kanalymyzǵa jazylyńyz:

Bólisińiz:

Avtor:

Alma Muqanova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT