Almatyda jylyna 1 mln sheteldik týrıst qabyldaýǵa jospar quryldy
2022 jylǵy 4 shilde 15:35

Almatyda jylyna 1 mln sheteldik týrıst qabyldaýǵa jospar quryldy

ALMATY. QazAqparat – Almatyda týrızm salasyn keshendi damytý josparlanyp otyr. Bul týraly qala ákimi Erbolat Dosaev aıtty, dep habarlaıdy QazAqparat tilshisi.

«Almatynyń jáne Almaty oblysynyń týrıstik áleýetin tolyq paıdalanýymyz kerek. Týrıstik ınfraqurylymdy keshendi túrde damytamyz. Jolaýshylar aǵynyn jylyna 14 mln-ǵa deıin, ıaǵnı eki esege arttyratyn jańa áýejaı termınalynyń qurylysy bar. Shańǵy demalysy men ekotýrızm ortalyǵyn quryp, qonaq úı sanyn artyramyz», - dedi ákim Almaty qalasyn damytýdyń 2025 jylǵa deıingi josparyn talqylaý barysynda.

Megapolıs basshysy Almatyda týrısterge qyzmet kórsetý sapasyn arttyrý maqsatynda qalanyń Discover Almaty jańa brendi ázirlenetinin atap ótti.

«2030 jylǵa qaraı Almatyǵa keletin sheteldik týrısterdiń sanyn 1 mln-ǵa deıin arttyrý josparda», - dedi Erbolat Dosaev.

Qala ákiminiń aıtýynsha, turǵyndardan týrızmdi basqarý júıesin standarttaý, tsıfrlyq kartalar, úsh tilde mázir men týrıstik aımaqtarǵa tegin Wi-Fi engizý boıynsha usynystar túsken.

«Bul usynystarmen kelisemiz jáne odan ári damý josparyn ázirleý kezinde eskeretin bolamyz», - dedi ákim.

Sonymen qatar, ol keıingi 5 jylda qalaǵa kelgen sheteldik týrıster sany 1,4 esege artyp, 301 myńnan 435,6 myń adamǵa jetkenin aıtty.


Uqsas jańalyqtar
Zańger Burhan Janseıitov ýaqytsha ustaý ızolıatoryna qamaldy
2022 jylǵy 10 tamyz 11:44

Zańger Burhan Janseıitov ýaqytsha ustaý ızolıatoryna qamaldy

ALMATY. QazAqparat – Almatynyń tergeý soty zańger Burhan Janseıitovke qatysty bultartpaý sharasyn úıqamaqtan ýaqytsha ustaý ızolıatoryna qamaýǵa aýystyrdy, dep habarlaıdy QazAqparat tilshisi.

«Almaty qalasynyń mamandandyrylǵan aýdanaralyq tergeý soty 9 tamyz kúni B. Janseıitovke qatysty úıqamaq túrindegi bultartpaý sharasyn qamaýǵa alýǵa ózgertý týraly sheshim qabyldady. Úıqamaq túrindegi bultartpaý sharasyn 2 aı merzimge qamaýda ustaýǵa ózgertý sanktsııalandy. Qamaý merzimi ustalǵan kezden bastap esepteledi. Qaýly zańdy kúshine engen joq», - dep habarlady qalalyq sottan.

Eske salaıyq, 15 shilde kúni Qarjy monıtorıngi agenttigi Almatyda zańger Burhan Janseıitovtiń ustalǵany týraly habarlaǵan bolatyn. 17 shilde kúni ol úıqamaqqa alyndy.

Al, respýblıkalyq advokattar alqasy zańger Burhan Janseıitovtiń advokat emes ekenin málimdedi.


Zııaly qaýym Almatydaǵy Abaı eskertkishine gúl shoqtaryn qoıdy
2022 jylǵy 10 tamyz 10:27

Zııaly qaýym Almatydaǵy Abaı eskertkishine gúl shoqtaryn qoıdy

ALMATY. QazAqparat – Almaty qalasynda zııaly qaýym ókilderi Abaı eskertkishine gúl shoqtaryn qoıdy, dep habarlaıdy QazAqparat tilshisi.

Shara Abaı alańynda ótti. Oǵan M. Áýezov atyndaǵy Ádebıet jáne óner ınstıtýtynyń dırektory Kenjehan Matyjanov, aqyn-jazýshylar men qala turǵyndary qatysty.

Abaı – uly aqyn, dana oıshyl, qazaqtyń jańa tarıhı dáýirdegi realıstik jazba ádebıetiniń atasy. Abaı esimi – qazaq halqynyń ulttyq sanasynyń oıanýy men rýhanı qaıta jańǵyrýynyń, qoǵamnyń ozyq kúshteriniń órkenıettilikke umtylysy men áleýmettik ádildiktiń sımvoly.

Buǵan deıin Jańa Qazaqstan azamattaryna arnalǵan «Abaıdyń kisilik kodeksi» qurastyrylǵany týraly jazǵan bolatynbyz.

Ál-Farabı atyndaǵy QazUÝ janyndaǵy Abaı ǵylymı-zertteý ınstıtýtynyń jetekshi ǵylymı qyzmetkeri, fılologııa ǵylymdarynyń kandıdaty Láıla Musalynyń aıtýynsha, «Abaıdyń kisilik kodeksinde» - Abaıdyń tańdamalyq danalyq jáne qara sózderindegi kemel adam, tolyq adam qalyptasyp shyǵý jolynda halyqqa aıtqan ósıetteri iriktelip alynǵan.

Bul – qazirgi qoǵamnyń áleýmettik minez-qulqyn retteıtin zańdyq kúshi bar qujat.

Aıta keteıik, elimizde 2020 jyly Úkimet qaýlysymen 10 tamyz – Abaı kúni dep belgilendi.

Ulttyń uly oıshylynyń ilimin zertteýshiler aıtýly kún qalaı toılanýy kerektigi týraly oı bólisti.



Ulttyq ulan sarbazy daýylda áriptesterin qutqaryp júrip kóz jumdy
2022 jylǵy 10 tamyz 10:04

Ulttyq ulan sarbazy daýylda áriptesterin qutqaryp júrip kóz jumdy

QONAEV. QazAqparat – QR Ulttyq ulany 5571 áskerı bóliminiń (Almaty) merzimdik qyzmet áskerı qyzmetshisi, qatardaǵy jaýynger A. Shahımov dalalyq jattyǵý kezinde qaıtys boldy, dep habarlaıdy QazAqparat QR Ulttyq ulan «Ońtústik» óńirlik qolbasshylyǵynyń baspasóz qyzmetine silteme jasap.

«Jaýyngerlik daıyndyq josparyna sáıkes 5571 áskerı bóliminiń 1 jedel maqsattaǵy batalonynyń jeke quramy 8-13 tamyz aralyǵynda 5574 áskerı bóliminiń oqý ortalyǵynda dalalyq jattyǵýda bolǵan. 9 tamyzda saǵat 20:55 shamasynda qatty daýyl kóterilip, jel saldarynan sarbazdar ornalasqan shatyr qalashyǵy búline bastaǵan. Qatardaǵy jaýynger A.N. Shahımov áriptesteriniń qaýipsiz orynǵa shyǵýyna kómektesip júrip ózi sońǵy bolyp shyqqan kezde, shatyrdyń temir jaqtaýy basyna tıip, jaraqat alǵan», delingen baspasóz baıanynda.

Sarbazǵa jedel medıtsınalyq kómek kórsetilip, sanıtarlyq kólikpen Qonaev qalasyndaǵy qalalyq aýrýhanaǵa jetkizilgen. Keıinnen qalalyq aýrýhana dárigerleri sarbazdyń qaıtys bolǵanyn rastady.

«Qatardaǵy jaýynger A.N. Shahımov óziniń janqııarlyq áreketimen joldastaryn qutqaryp, ókinishke oraı ózi qatty soqqydan qaıtys boldy. Ol 2003 jyly týǵan. Ulttyq ulan qataryna bıylǵy kóktemde Aqmola oblysy Kókshetaý qalalyq Qorǵanys isteri jónindegi departamentinen shaqyrylǵan. Atalǵan fakti týraly kezekshi qyzmet jelisi boıynsha tıisti organdarǵa habarlandy. Oqıǵanyń mán-jaıy anyqtalyp, tergeý jumystary júrgizilip jatyr. Qyzmettik tekseris taǵaıyndaldy. QR Ulttyq ulannyń Bas qolbasshylyǵy jáne «Ońtústik» óńirlik qolbasshylyǵy merzimdik qyzmet áskerı qyzmetshisi A.N. Shahımovtyń ata-anasy men jaqyndaryna orny tolmas qaıǵyǵa ortaqtasyp, kóńil aıtady», - delingen resmı habarlamada.



Jańalyqtar

Úrdis

MURAǴAT