+7 (701) 759 90 19
USD 385.55 EUR 426.57
RUB 6.05 CNY 54.77
Jańalyqtar

Almatyda jyl basynan beri 4 myńǵa jýyq jol-kólik oqıǵasy tirkelgen

2019 jylǵy 18 qarasha 16:13
Bólisińiz:
Almatyda jyl basynan beri 4 myńǵa jýyq jol-kólik oqıǵasy tirkelgen

ALMATY. QazAqparat– Almaty ákimi Baqytjan Saǵyntaev QR Іshki ister mınıstri Erlan Turǵymbaevtyń qatysýymen qoǵamdyq qaýipsizdikti qamtamasyz etý jáne jol-kólik oqıǵalarynyń aldyn-alý máseleleri boıynsha keńes ótkizip jatyr, dep habarlaıdy QazAqparat tilshisi.

Uqsas jańalyqtar
Oralda polıtseı kólikti soǵyp, jas kelinshek kóz jumdy Jambylda qalyń tuman kezinde 14 avtokólik bir-birine soqtyǵysqan Jambylda «KamAZ-ǵa» soǵylǵan eki avtobýsta 50-ge jýyq jolaýshy bolǵan

Qala basshysynyń pikirinshe, negizgi mindet – qyzmet kórsetýdiń servıstik úlgisine basymdyq bere otyryp, Almaty polıtsııasynyń jumysyn qaıta qurý qajet.

Sondaı-aq, ol ýchaskelik ınspektorlar, patrýlder qala turǵyndary men qonaqtaryna olardyń máselelerin sheshýge kómektesýleri tıis ekenin atap ótti.

«Qoǵamnyń basty talaby – sapaly jáne qoljetimdi medıtsınalyq qyzmet, bilim men qoǵamdyq qaýipsizdik. Biz osylardy qamtamasyz etýge tıispiz», — dedi keńes barysynda Baqytjan Saǵyntaev.

QR Іshki ister mınıstri Erlan Turǵymbaev, polıtsııanyń jedel basqarý ortalyǵyn modernızatsııalaý jáne JBO-da beınebaqylaý júıesin ıntegratsııalaý josparlary týraly aıtty.

Jol oqıǵalary erekshe nazar aýdarýdy qajet etedi. Jyl basynan beri megapolıste 4 myńǵa jýyq jol kólik oqıǵasy oryn alǵan.

«Biz qazirgi kezde halyq sany men avtomobıl trafıginiń kóp bolýyna qaramastan pármendi sharalardy qoldana otyryp, joldardaǵy apattar men ólim-jitimdi kúrt azaıtqan sheteldiń tájirıbesin belsendi túrde úırenýdemiz», - dep atap Erlan Turǵymbaev.

Qala ákimdigi quqyqtyq tártipti qamtamasyz etýde, onyń ishinde zamanaýı megapolısterdiń ozyq tájirıbesin paıdalana otyryp, jol ınfraqurylymyn qaıta qurý jóninde polıtsııanyń bastamalaryn qoldaıtyn bolady. Bular – torkóz belgiler, jolaqtar boıynsha burylystardaǵy qozǵalystardyń núkteleri, qosymsha baǵdarshamdar jáne magıstraldi kóshelerdegi bólgish qorshaýlar.

«Adam ómirin aqshamen ólsheýge bolmaıdy. Qalanyń kólik ınfraqurylymy qozǵalystyń barynsha qaýipsizdigin qamtamasyz etý úshin barlyq jaǵdaılardy jasaýy qajet», - dep atap ótken B. Saǵyntaev ári qalalyq mobıldilik basqarmasyna bul máseleni polıtsııa departamentimen birge sheshýdi tapsyrdy.

Bizdiń kanalymyzǵa jazylyńyz:

Basty sózder: Almaty, QR ІІM, Statıstıka, Kólik,
Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT