Almatyda joǵalǵan 15 jastaǵy jasóspirim óli tabyldy
2022 jylǵy 24 maýsym 14:07

Almatyda joǵalǵan 15 jastaǵy jasóspirim óli tabyldy

ALMATY. QazAqparat - Almatyda joǵalyp ketken 15 jastaǵy jasóspirimniń denesi tabyldy, dep habarlaıdy QazAqparat tilshisi.

Almaty qalalyq polıtsııa departamentiniń málimetinshe, Medeý aýdandyq polıtsııa basqarmasyna 2007 jyly týǵan balanyń joǵalǵany týraly aqparat 23 maýsym kúni túsken.

«Tergeý toby búgin qaladaǵy baý-baqsha qoǵamynyń birinen denesinde zorlyq-zombylyq belgileri bar balanyń óli denesin tapty», - dep habarlady polıtsııadan.

Polıtseıler 16 jastaǵy jasóspirimdi ustady. Kúdikti aradaǵy janjaldan keıin dosyn óltirgenin moıyndady.

«Sotqa deıingi tergeý jalǵasyp jatyr. Qajetti sot-medıtsınalyq saraptama taǵaıyndaldy», - dep atap ótti vedomstvonyń baspasóz qyzmetinen.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT