Almatyda jaıaý ótkeldiń 83%-da múmkindigi shekteýli jandarǵa jaǵdaı jasalmaǵan - prokýratýra
2022 jylǵy 16 mamyr 21:25

Almatyda jaıaý ótkeldiń 83%-da múmkindigi shekteýli jandarǵa jaǵdaı jasalmaǵan - prokýratýra

ALMATY. QazAqparat – Almaty qalasynyń prokýrorlary qaladaǵy múmkindigi shekteýli jandarǵa arnalǵan jer ústi men jerasty jaıaý júrginshiler ótkeliniń jaǵdaıyn tekserdi, dep habarlaıdy QazAqparat tilshisi.

Qalalyq prokýratýradan habarlaǵandaı, búginde qaladaǵy 68 jaıaý júrginshiler ótkeliniń 57-sinde (83%) lıft pen kóldeneń kótergishter jumys istemeıtini anyqtaldy.

«Atalǵan nysandardy kútip ustaýǵa, olarǵa qyzmet kórsetýge bıýdjetten jyl saıyn qomaqty qarjy bólinedi. Tek 2021 jyldyń ózinde bul maqsattarǵa 280 mıllıon teńgege jýyq qarjy jumsaldy. Anyqtalǵan faktiler boıynsha qazirgi tańda prokýratýra organdarymen bıýdjet qarajatynyń jumsalýynyń zańdylyǵyna qadaǵalaý aktileri engizilip, tekserý sharalary taǵaıyndaldy», - dep málimdedi prokýratýrada.

Aıta keteıik, búgingi kúni Almatyda 54 myńnan astam múmkindigi shekteýli jan turady. Onyń ishinde 14 739 adamnyń júrip-turýynda qıyndyq bar.


Uqsas jańalyqtar

Jańalyqtar

MURAǴAT