Almatyda jaýynnyń saldarynan Mega saýda ortalyǵy bir kúnge jabyldy
2022 jylǵy 25 maýsym 01:20

Almatyda jaýynnyń saldarynan Mega saýda ortalyǵy bir kúnge jabyldy

ALMATY. QazAqparat - Almatyda búgingi nóser jaýynnyń saldarynan Mega saýda ortalyǵynyń tóbesinen sý ketti, dep habarlaıdy QazAqparat tilshisi.

Saýda ortalyǵynyń tóbesinen aqqan sýdyń vıdeosy áleýmettik jelide tarady.

Osyǵan baılanysty saýda ortalyǵynyń baspasóz qyzmeti málimdeme jasady.

«Aýa raıynyń qolaısyzdyǵyna baılanysty búgin MEGA Alma-Ata saýda ortalyǵy jabyldy. Qaýipsizdik is-sharalaryna túsinistikpen qaraýlaryńyzdy suraımyz. Saýda ortalyǵynyń shatyryndaǵy zaqymdardy tez arada túzetý boıynsha jumystar júrgizilýde. Ǵımarat shatyrynyń aýdany 58 500 sharshy metrdi quraıtynyn eske salamyz. MEGA Alma-Ata saýda ortalyǵy erteń, 25 maýsymda ádettegi jumys kestesine sáıkes qaıta ashylady», - delinedi habarlmada.

Eske salaıyq, búgin Almatyda tústen keıin kún kúrkirep, nóser jaýyn jaýdy. Tolassyz jaýǵan jaýyn sýy kóshelerdegi aryqtardy toltyryp, kóshelerdi sý basty .

Sondaı-aq, búgingi jaýyn astynda shaharda trolleıbýstyń órtengeni týraly habarlaǵan bolatynbyz.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT