Almatyda jasyryn esirtki zerthanasy anyqtaldy

ALMATY. QazAqparat – Almaty polıtsııasy esirtki zerthanasyn joıý úshin arnaıy operatsııa júrgizdi, dep habarlaıdy QazAqparat tilshisi.

Uqsas jańalyqtar

Astanada metall qabyldaıtyn 14 oryn ıesi ákimshilik jaýapqa tartylmaq

Tarazda qylmystyq toptyń áreketinen memleketke 10 mlrd teńge shyǵyn keldi Elorda polıtseıleri birneshe ret urlyq jasaǵan qylmyskerdi ustady Aqtóbe turǵyny bank ókilimin dep habarlasqan adamǵa senip, 1,2 mln teńgesinen aıyryldy

Almaty qalalyq Polıtsııada departamentiniń baspasóz qyzmeti málim etkendeı, arnaıy júrgizilgen operatsııa barysynda Abaı dańǵylynyń boıynda «Hyundai» avtokóligi toqtatyldy. Kólikte eki er adam boldy. Tintý kezinde A. esimdi azamattyń qaltasynan «mefedron» sıntetıkalyq esirtki salynǵan oramalar tabyldy.

«Belgili bolǵanyndaı kúdiktiler «Jetisý» yqshamaýdanynda ornalasqan kópqabatty turǵyn úıdiń bir páterinde jasyryn esirtki daıyndaǵan. Hımııalyq komponentter – esirtki jasaýǵa arnalǵan zattardy, olar, tońazytqyshta saqtaǵan. Qonaq bólmesinde aq tústi untaqty zat, polıetılen paketter (oraýǵa arnalǵan), ósimdik tektes jasyl jáne aq tústi untaqty zat tabyldy. Jatyn bólmede hımııalyq reagentterdi, sıntetıkalyq esirtkilerdi shyǵarýǵa arnalǵan túrli komponentterdi, eki magnıtti aralastyrǵyshty, jeldetkishti jáne eki maı radıatorlaryn saqtaǵan. Biz úshinshi kúdiktini jaldamaly páterden ustadyq», – dedi Almaty qalasy Polıtsııa departamentiniń esirtki qylmystaryna qarsy kúres basqarmasynyń bastyǵy Erlan Almaǵambetov.

Sot-hımııalyq saraptamanyń qorytyndysyna sáıkes tárkilengen zattar psıhotroptyq zat «Metkatınon» (mefedron) bolyp shyqty. Tárkilengen shıkizat pen daıyn ónimniń jalpy salmaǵy 10 kelini qurady.

«Ustalǵandar qamaýǵa alyndy. Qylmystyq is QR QK-niń 297 baby qylmys belgileri boıynsha tergelýde. Sonymen qatar, jalpy jedel is-sharalarmen qatar, esirtki qylmysyna qarsy is-qımyl salasyndaǵy áleýmettik úgit materıaldary arqyly halyqtyń esirtkige qarsy ımmýnıtettiń aldyn alý jáne qalyptastyrý boıynsha jumys turaqty negizde júrgizilip jatqanyn atap ótken jón. Búginde qala aýmaǵynda 56 syrtqy jarnamalyq bılbord bar. Sondaı-aq, 79 LED-ekran nashaqorlyqtyń aldyn alýǵa baǵyttalǵan aqparatty taratady», – dep qorytyndylady Almaǵambetov.