Almatyda jas jigit qart áıeldi uryp, tonap ketken
2021 jylǵy 29 qarasha 13:03

Almatyda jas jigit qart áıeldi uryp, tonap ketken

ALMATY. QazAqparat - Almatyda 20 jastaǵy jigit qart áıeldi uryp, tonady degen kúdikpen ustaldy, dep habarlaıdy QazAqparat tilshisi.

Almaty qalalyq polıtsııa departamentiniń málimetinshe, oqıǵa Markov pen Tımırıazev kósheleriniń qıylysynda bolǵan. O. esimdi azamat ótip bara jatqan adamnyń jeke múlkin kúsh qoldanyp, urlap ketken.

«Jas jigit áreketiniń eshkim baqylap turmaǵanyna kóz jetkizip, jábirlenýshiniń janyna júgirip kelip, ıyǵyna soqqy jasaǵan. Áıel qulaǵan kezde ony uryp-soǵyp, qolynan aqshasy men uıaly telefony salynǵan sómkesin julyp alyp, qashyp ketken. Jábirlenýshi birden polıtsııaǵa júgindi. Júrgizilgen jedel-izdestirý is-sharalarynyń barysynda sol kúni kúdikti qamaýǵa alyndy. Ol urlyq jasaǵanyn moıyndady», – dedi Bostandyq aýdandyq polıtsııa basqarmasynyń bólim basshysy Ǵalym Qasymbaev.

Qazirgi ýaqytta ustalǵan azamattyń jalpy Almaty qalasynda buryn jasalǵan osyǵan uqsas qylmystarǵa qatysy bar-joǵy tekserilip jatyr.

Qylmystyq is QR QK-niń 191-baby 2-bóliminiń 1-tarmaǵy boıynsha tergelýde.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT