+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Almatyda jas tilshiler baıqaýy máresine jetti

2020 jylǵy 2 maýsym 18:46
Bólisińiz:
Almatyda jas tilshiler baıqaýy máresine jetti

ALMATY. QazAqparat - Ál-Farabı atyndaǵy Qazaq ulttyq ýnıversıteti jýrnalıstıka fakýlteti Baspasóz jáne elektrondy BAQ kafedrasynyń dástúrli XLV «Jas tilshiler» onlaın forýmy ótti, dep habarlaıdy QazAqparat JOO saıtyna silteme jasap.

Úsh kúndik forým aıasynda jas tilshilerge arnalǵan «Jýrnalıstıka negizderi» kýrsy boıynsha onlaın sheberlik sabaǵy ótip, respýblıkalyq mektep oqýshylary arasynda jarııalanǵan «Jýrnalıst bolǵyń kele me?» shyǵarmashylyq baıqaýynyń jeńimpazdary marapattaldy.

Bıylǵy baıqaýdyń ereksheligi jumystar elektrondy túrde qabyldanyp, nátıjesi onlaın formatta tanystyryldy. Baıqaýǵa kelip túsken júzge jýyq shyǵarmalar men esselerdiń jeńimpazdary «Abaı - álemdik mádenıettiń tulǵasy», «Uly dalanyń jeti qyry», «Ál-Farabı murasy - aqyl oıdyń marjany», «Uly jeńiske taǵzym, «Gazet, álde ınternet?», «Kósemsóz qudyreti», «Mýltımedıa jýrnalısiniń bir kúni» nomınatsııalary boıynsha І, ІІ, ІІІ dárejeli dıplomdarmen marapttalyp, kitaptar syıǵa tartý etildi.

Elimizdiń barlyq óńirlerinen jýrnalıst mamandyǵyn tańdaǵan talapkerler «Jas tilshiler forýmy» aıasynda ótetin shyǵarmalar, esseler, foto, aýdıo, vıdeomaterıaldar men grafıkalyq týyndylaryn baıqaýǵa jiberýge asyǵady. Talapkerlerdiń shyǵarmashylyq áleýetin synaıtyn bul baıqaýdyń óz tarıhy, dástúri bar. Osydan 45 jyl buryn 1975 jylynyń mamyr aıynda alǵash ret respýblıkalyq «Jas tilshiler» sleti ortalyq komsomol komıtetiniń uıymdastyrýymen ótti. Sol jyldary Qazaqstan Respýblıkasynyń Ortalyq partııa komıtetiniń Nasıhat jáne úgit bóliminiń basshysy Q. Sultanov bolatyn. Bul sharanyń bastaýyna O. Súleımenov, F. Ońǵarsynova, D. Stambekov, Sh. Smahanuly sııaqty tanymal aqyn-jazýshylar atsalysqan. Tek sońǵy on segiz jylda «Jas tilshiler forýmy» jańa formatta, zamanaýı úlgide uıymdastyrylyp, aýqymy men salmaǵy arta tústi.

Baǵdarlama aıasynda «Ulan», «Drýjnye rebıata» balalar basylymdary jýrnalısteri, «Egemen Qazaqstan», «Qazaq gazetteri» JShS, «Qazaqparat» AQ, «Qazaq radıolary» JShS, «Habar» AQ, «Qazaqstan» ulttyq arnasy tilshileri men reporterlarynyń onlaın sheberlik sabaǵy ótti.

Úzdik tanylǵan jas tilshiler arasynda Baýyrjan Momyshuly atyndaǵy Almaty respýblıkalyq «Jas ulan» mektebiniń 10 synyp oqýshysy. Dinıslam Egamberdıev, Almaty qalasy Nazarbaev zııatkerlik mektebi 12-synyp oqýshysy Murat Qymbat Armanqyzy, Abaı atyndaǵy Respýblıkalyq mamandandyrylǵan daryndy balalarǵa arnalǵan qazaq tili men ádebıetin tereńdete oqytatyn orta mektep-ınternatynyń 10-synyp oqýshysy Ábdibek Nuraı, Qaskeleń qalasyndaǵy Abaı atyndaǵy orta mektep-gımnazııasynyń 11-synyp oqýshysy Aısulý Sezhan, Atyraý obylysyndaǵy Saǵyz selosy orta mektebiniń 11-synyp oqýshysy Aralbaı Kámshat Janybekqyzy, Pavlodar oblysy Baıanaýyl aýdanyndaǵy Musa Shorman aýyly Qanysh Sátbaev mektebiniń 10-synyp oqýshysy Aýǵalı Mereı Ardaqqyzy, Túrkistan oblysyndaǵy Saryaǵash aýdany №53 M. Ǵabdýllın mektebiniń 11-synyp oqýshysy Málikajdarova Altynaı Baýyrjanqyzy, Ahmet Jubanov atyndaǵy daryndy balalarǵa arnalǵan respýblıkalyq mektep-ınternattyń 12-synyp oqýshysy Súnádilla Nursultan Meıirbekuly sııaqty báıgeden ozyp shyqqan daryndy órenderdiń shyǵarmashylyqtary erekshe ataýǵa turarlyq.

Jeńispazdardyń biri Altynaı Málikajdarova: «Osydan bir jyl buryn QazUÝ-da tósbelgimdi taǵyp, qýanyshty kóńil-kúımen súıikti ustazdarymnyń batasyn alyp qaıtqan bolatynmyn. Bıyl sol ustazdarymmen onlaın júzdesý buıyrǵan eken. Bul joly da minberimnen taımaı, óz ornymdy saqtap qaldym І oryn! Eń bastysy, orynǵa iligý emes, ustazdarymmen, qurbylarymmen qaýyshý bolatyn. Buıyrǵan ketpeıdi, asyqqan jetpeıdi degen osy bolar bəlkim», - dep jazdy áleýmettik jelidegi paraqshasynda.

Bıylǵy jyly talapkerlerge «Jýrnalıstıka» mamandyǵymen qatar joǵary bilimmen soń magıstrlik «Data jýrnalıstıka», «Bıznes kommýnıkatsııa», «Medıa jáne kommýnıkatsııalar» PhD baǵytytarynda baǵdarlamalary boıynsha bilim alýǵa múmkindikteri bar.


Bizdiń kanalymyzǵa jazylyńyz:

#Almaty   #Bilim  
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT