Almatyda jappaı tártipsizdikter kezinde ustalǵandardy qaıdan izdeýge bolady
ALMATY. QazAqparat - Almaty qalalyq polıtsııa departamenti tártipsizdikter kezinde tutqyndalǵandardy izdestirý úshin arnaıy senim telefonyn iske qosty, dep habarlaıdy QazAqparat tilshisi.
«Siz sall-ortalyqqa habarlasyp tergeý ızolıatorlaryndaǵy adamdar men basqa da máseleler boıynsha aqparat ala alasyz. Advokattar da osy call-ortalyqtarǵa júgine alady. Azamattardyń konstıtýtsııalyq quqyqtaryn múltiksiz saqtaý boıynsha barlyq qajetti shara qabyldanyp jatqanyna sendirgim keledi», - dedi Almaty qalalyq polıtsııa departamenti bastyǵynyń orynbasary Rýstam Ábdirahmanov.
Myna telefon nómiri boıynsha +7 (727) 290-19-01 baılanys ortalyǵyna habarlasýǵa bolady.
Buǵan deıin Bas prokýratýra Almatyda oq tıgen 29 adamdy polıtsııa tergeý ızolıatoryna qamap qoıǵany týraly aıtqan bolatyn.
