Almatyda jappaı tártipsizdik kezinde qalalyq sport basqarmasynyń basshysy jaraqattandy
2022 jylǵy 11 qańtar 14:21

Almatyda jappaı tártipsizdik kezinde qalalyq sport basqarmasynyń basshysy jaraqattandy

ALMATY. QazAqparat - Almatyda jappaı tártipsizdik kezinde Almaty qalasynyń sport basqarmasynyń basshysy Rústem Baıseıtov atys qarýynan jaraqat aldy, dep habarlaıdy QazAqparat tilshisi.

Sport basqarmasynyń basshysyna qalalyq ákimdiktiń kortejinde bara jatqanda oq tıgen.

«Oǵan der kezinde medıtsınalyq kómek kórsetilip, ol qalalyq aýrýhanalardyń birine jatqyzyldy. Qazirgi ýaqytta onyń ómiri men densaýlyǵyna eshqandaı qaýip tónip turǵan joq»,- dep málimdedi qalalyq sport basqarmasynda.

Eske salsaq, Almaty ákimi Baqytjan Saǵyntaev otyrǵan kólikke oq atylǵan bolatyn. Bul aqparatty qala ákiminiń orynbasary Erjan Babaqumarov rastady. Oqıǵa 6 qańtar kúni bolǵan. Qazir Baqytjan Saǵyntaev aman-esen, óz óz qyzmetin atqarýda.

Qalada terrorızmge qarsy sharalar jalǵasýda.


Uqsas jańalyqtar

Jańalyqtar

MURAǴAT