Almatyda jappaı tártipsizdik  barysynda sot sanktsııasymen 249 adam qamaýǵa alyndy
2022 jylǵy 16 qańtar 20:49

Almatyda jappaı tártipsizdik barysynda sot sanktsııasymen 249 adam qamaýǵa alyndy

NUR-SULTAN. QazAqparat – Almatyda tártipsizdik barysynda sot sanktsııasymen 249 adam qamaýǵa alyndy. Bul týraly Almaty qalasynyń prokýrory Berik Júıriktaev aıtty, dep habarlaıdy QazAqparat tilshisi.

«Qazir quqyq qorǵaý organdary 405 qylmystyq isti tergeýde. Sot sanktsııasymen 249 adam qamaýǵa alyndy. 2 myńǵa jýyq nysan zardap shekti. Nysandardy qalpyna keltirýge tezirek kirisý kerektigin túsinemiz. Sondyqtan tergeýshiler olardy tekserýge basymdyq beredi. Aldaǵy kúnderi barlyq jumysty aıaqtaımyz. Oqıǵa ornynan kóptegen dálelder, zattaı aıǵaqtar men qylmys izderi alyndy», - dedi ol Habar 24 telearnasynyń tikeleı efırinen.

Mysaly, onyń atap ótýinshe, bandıtterdiń kıimi, beınejazbalar, qylmys quraldary, onyń ishinde 127 qarý-jaraq tárkilengen.

«Alynǵan beınematerıaldardy qylmysqa qatysýshylardy anyqtaý úshin qoldanyldy. Prokýrorlar qylmystyq protsestiń barlyq kezeńinde azamattardyń konstıtýtsııalyq quqyqtaryn qamtamasyz etedi. Adam quqyqtary jónindegi ýákilmen, quqyq qorǵaý uıymdarynyń ókilderimen, advokattar alqasymen jumys ózara tyǵyz baılanysta júrgiziledi. Kúdiktilerdi ustaý jaǵdaılaryn táýelsiz baǵalaý úshin olarǵa tergeý ızolıatorlaryna kirý múmkindigi berildi», - dedi Berik Júıriktaev.


Jańalyqtar

MURAǴAT