Almatyda jańa jol-kólik aıryqtary salynady

ALMATY. QazAqparat - Almatyda kósheler uzartylyp, jańa kólik aıryqtary salynady. Bul týraly Ákimshilik polıtsııa basqarmasynan málim etti, dep habarlaıdy QazAqparat tilshisi.

Bıyl Saın kóshesimen Móńke bı kóshesiniń qıylysynda kólik aıryǵyn salý, sondaı-aq Tóle bı dańǵylyn uzartý jumystaryn bastaý josparlanýda.

«Bıyl sondaı-aq Abaı dańǵyly, Saın kóshesi, Áýezov kóshesin sozý, Seıfýllın dańǵyly men Jansúgirov kóshesiniń qıylysynda, Qulja tas joly men Buqtyrma kóshesiniń qıylysynda kólik aıryǵyn salý, sondaı-aq «Saryarqa» jáne «B.Momyshuly» beketteri bar uzyndyǵy 3,1 shaqyrymdy quraıtyn metro jelisin paıdalanýǵa berý josparda bar.

Budan bólek, «Dýman» yqshamaýdanyndaǵy uzyndyǵy 30,5 shaqyrym joldy kúrdeli jóndeý jumystaryn aıaqtaý, «Alǵabas», «Qaırat», «Álmerek» yqshamaýdandaryndaǵy 43,1 shaqyrymdy quraıtyn 141 kóshede jol qurylysyn aıaqtaý josparlanýda», – dedi Ákimshilik polıtsııa basqarmasy bastyǵynyń orynbasary Bolatbek Baıatanov.

Sondaı-aq bólimshede ótken jyly Rysqulov dańǵyly – Emtsov kóshesi qıylysynda kólik aıryǵy iske qosylǵanyn atap ótti.