+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Almatyda jańa otbasylyq demalys orny paıda bolady

2021 jylǵy 19 qyrkúıek 14:10
Bólisińiz:
Almatyda jańa otbasylyq demalys orny paıda bolady

ALMATY. QazAqparat - Almatynyń Naýryzbaı aýdanynda otbasylyq jańa Alem Rark demalys orny salynady, dep habarlaıdy QazAqparat tilshisi.

Uqsas jańalyqtar
Almaty oblysynda júk kóligi qaǵyp, mert bolǵan er adamnyń kim ekeni belgisiz Jol ortasynda salto jasaǵan almatylyq jaýapqa tartyldy Karantın: Almatyda zalalsyzdandyrý jumystary kúndelikti júrgizilýde

Almaty qalasynyń ákimi Baqytjan Saǵyntaev jobamen tanysty. Naýryzbaı aýdany ákimdiginiń janyndaǵy 4,56 ga aýmaqta eski saıabaqtyń ornyna jańa saıabaq salynady.

Munda tek aýdannyń ǵana emes, búkil qala turǵyndary otbasymen jáne dostarymen ýaqyt ótkizýge, jańa attraktsıondarǵa minýge, alleıalarda serýendeýge jáne taza aýada tamaqtanýǵa keletin bolady.

Saıabaqta 44 attraktsıon men 4 fýdkort salynady.

Balalar batýtta sekire alady, vırtýaldy shyndyq álemine enedi, úshinshi qıyndyq deńgeıindegi arqan jolynan ótedi, labırıntten shyǵýdyń jolyn tabady, óziniń Lego úıin salady jáne, árıne, týǵan kúnin toılaı alady.

Saıabaqtyń biregeı tujyrymdamasynyń nátıjesinde onyń barlyq qonaqtary jasyna qaramastan kóńil kótere alady.

Alem Park – jaı ǵana saıabaq emes, túrli-tústi alańdar, sáýlettik qurylymdary, arqan saıabaǵy, alpınıstik qabyrǵa, jaıly kafeler men basqa da kóptegen oıyn-saýyǵy bar tutas qala.

Saıabaqtyń negizgi ıdeıasy – kórkem tabıǵat landshaftyn zamanaýı oıyn-saýyq tehnologııalarymen úılestirý, munda balalar men eresekter úshin demalys pen oıyn-saýyq biriktiriledi.

Ártúrli master-klasstar, otbasylyq jarystar, balalar keshteri, anımatorlardyń qatysýymen ashyq aýada oıyndar ótedi.

Osy jobany júzege asyrýdyń arqasynda Almatyda jańa úlken demalys jáne oıyn-saýyq saıabaǵy paıda bolady, ol turǵyndardyń jınalatyn ornyna aınalady, almatylyqtardyń jaıly ómiri men demalysyn qamtamasyz etedi.

Aıta keterligi, saıabaqqa 500-ge jýyq aǵash otyrǵyzylady.


Bizdiń kanalymyzǵa jazylyńyz:

Bólisińiz:

Avtor:

Alma Muqanova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT