Almatyda jańa qaýly qabyldanyp, karantın sharalary jeńildedi
2022 jylǵy 22 qańtar 19:00

Almatyda jańa qaýly qabyldanyp, karantın sharalary jeńildedi

ALMATY. QazAqparat - Almaty qalasy bas memlekettik sanıtarııa dárigeriniń jańa qaýlysy shyqty, dep habarlaıdy QazAqparat tilshisi.

Bas sanıtardyń munyń aldyndaǵy 2022 jylǵy 13 qańtardaǵy №1 qaýlysyna ózgerister men tolyqtyrýlar engizildi.

Oǵan sáıkes:

- sport-saýyqtyrý ortalyqtaryna, monshalarǵa, saýnalarǵa, basseınderge tek «jasyl» mártebeci bar jáne koronavırýstq ınfektsııaǵa qarsy vaktsınatsııalaýǵa turaqty medıtsınalyq qarsy kórsetilimi bar adamdarǵa ǵana ruqsat beriledi;

- «Ashyq» jobasyna qatysatyn áleýmettik-ekonomıkalyq obektilerdiń qyzmetin Qazaqstan Respýblıkasynyń bas memlekettik sanıtarııalq dárigeriniń 2022 jylǵy 13 qańtardaǵy №1 qaýlysynyń 4 jáne 5 qosymshalaryna saıkes ólshemsharttaryna sáıkes júzege asady;

- tirshilikti qamtamasyz etý jáne kommýnaldyq sharýashylyq obektilerin qospaǵanda, qyzmetkerlerdiń COVID-19-ǵa qarsy vaktsınatsııalanýy jene revaktsınatsııalanýyna qaramastan, memlekettik organdardyń, ulttyq kompanııalardyń ákimshilik personalynyń jáne barlyq menshiktiń nysanyndaǵy kásiporyndar men uıymdardyń keńse qyzmetkerleriniń keminde 70% qashyqtan jumys isteý rejımine aýystyrylady.

Sondaı-aq, 24 qańtardan bastap oqytý formatynda ózgerister bolady.

ıAǵnı:

- mektepke deıingi uıymdarda ata-analardyń ótinishi boıynsha shtattyq formatta;

jalpy bilim beretin mektepterde («qyzyl» aımaq):

- 1-4 bastaýysh synyptar (halyqaralyq mektepterde 1-6-synyptar) shtattyq formatta;

- 600 oqýshyǵa deıingini qosa alǵanda — shtattyq formatta;

- 600 oqýshydan joǵary — mektepterdiń jobalyq qýatynyń 50%-nan aspaıtyn jýktememen shtattyq formatta;

- mektepten tys uıymdarda, qosymsha bilim uıymdarynda, balalar men eresekterge arnalǵan túzetý ortalyqtarynda shtattyk formatta;

- joǵary oqý oryndarynda jane kolledjderde («qyzyl» aımaq) aralas formatta — praktıkalyq, zerthanalyq, semınar sabaqtar, praktıka keste boıynsha shtattyq rejımde, dáris onlaın ótkiziledi.

Almaty qalasynyń bas memlekettik sanıtarııa dárigeriniń jańa qaýlysynyń tolyq mátinimen osy siltemede tanysa alasyzdar.


Jańalyqtar

MURAǴAT