+7 (701) 759 90 19
USD 425.85 EUR 499.78
RUB 5.82 CNY 65.87
Jańalyqtar

Almatyda jalǵan 400 myń dollar tárkilendi

2021 jylǵy 9 shilde 17:14
Bólisińiz:
Almatyda jalǵan 400 myń dollar tárkilendi

ALMATY. QazAqparat – Almatyda jalǵan 400 myń AQSh dollary tárkilendi, dep habarldaıdy QazAqparat Ulttyq qaýipsizdik komıtetiniń baspasóz qyzmetine silteme jasap.

27 maýsymda Almaty qalasnyda QR Ulttyq qaýipsizdik komıteti transulttyq qylmystyq top kómekshisiniń sheteldik valıýta ótkizýiniń jolyn kesti.

«Qylmystyq ortanyń «bedeldisi» ustalyp, odan Almaty qalasy krımınaldyq aınalymǵa arnalǵan jalǵan 400 myń AQSh dollary tabylyp, alyndy. Osy fakt boıynsha Qylmystyq kodekstiń 231-baby 2-bóligi («jalǵan aqsha jáne baǵaly qaǵazdardy ótkizý maqsatynda jasaý, alyp ótý, saqtaý») boıynsha sotqa deıingi tergeý bastaldy.

Kórsetilgen bap boıynsha múlki tárkilenip, bes jyldan on jylǵa deıingi merzimge bas bostandyǵynan aıyrý kózdelgen», delingen habarlamada.

Vedomsvonyń málimetinshe, qylmysker aıybyn moıyndaǵan. Odan basqa, fıgýrantqa Aqtóbede kásipkerdiń avtomashınasy men jer telimin zańsyz ıemdený faktisi boıynsha ózdiginen ıelik etý aıyby taǵylyp otyr.

«Alynǵan derekter boıynsha, ustalǵan adam Qyrǵyzstan men Reseıdiń «zańdaǵy urylar» atalatyndarymen baılanysta bolǵan. Fıgýranttyń «urylar qaýymdastyǵy» atalatyndardy qarjylandyrýǵa qatysy jáne ózge de krımınaldyq shemalardy iske asyrý úshin qylmystyq tabysty paıdalaný nıeti týraly nusqalar tekserilýde.

Uıymdasqan qylmystyń ekonomıka salasyna enýi onyń turaqty damýyna kedergi keltirip, kóleńkeli kapıtaldyń artýyna yqpal etedi.

Osy sanattaǵy qylmystar azamattarymyzdyń múddelerine qarsy baǵyttalǵan, qarjy júıesine teris áser etip, elimizdiń bedeline nuqsan keltiredi», delingen habarlamada.

UQK málimdeýinshe, qabyldanyp jatqan sharalar memleketimizdiń ekonomıkalyq qaýipsizdigi men azamattarymyzdyń ál-aýqatyn qamtamasyz etýge baǵyttalǵan.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059

MURAǴAT