+7 (701) 759 90 19 Lenta
USD 386.77 EUR 427.26
RUB 6.00 CNY 54.56
Jańalyqtar

Almatyda jalǵa beriletin páterlerdi kimder ala alady

2019 jylǵy 12 qyrkúıek 12:55
Bólisińiz:
Almatyda jalǵa beriletin páterlerdi kimder ala alady

ALMATY. QazAqparat - Almaty ákimdiginde 29 jasqa deıingi jastarǵa jalǵa beriletin turǵyn úıdiń sharttary túsindirildi, dep habarlaıdy QazAqparat tilshisi.

Jastarǵa arnalǵan jańa páterler Alataý aýdanyna qarasty Kókkaınar jáne Saıaly-2 yqsham aýdandarynan beriledi. Josparǵa sáıkes, eń aldymen bir bólmeli 249 páterdiń kilti qazan aıynyń sońynda tabystalady.

«Jumys isteıtin jastarǵa jaldamaly turǵyn úı 5 jylǵa beriledi. Osy merzim aıaqtalǵanan keıin páterdi bosatý kerek. Memleket usynyp otyrǵan jeńildikti jastar óz paıdasyna jaratýy kerek. ıAǵnı, olar arzan baǵaǵa páter jaldaıdy jáne bes jylda óz baspanasyna qarjy jınaýǵa múmkindik alady», - deıdi Almaty qalalyq turǵyn úı saıasaty basqarma bastyǵynyń mindetin atqarýshy Aıbek Saıdildaev.

Jalǵa páter alý úshin ótinish berýshiler jergilikti jerde tirkeýde bolýy shart (2 jyl). Baspanasy bolmaýy tıis. Qujattar elektrondyq formatta elektrondy tsıfrlyq kilt arqyly usynylýy kerek.

«Ótinish berýshi basqarmaǵa mynadaı qujattardy usynýy kerek: Ótinish, jeke kýáliginiń kóshirmesi, dıplom kóshirmesi (attestat, kolledj, JOO dıplomy) neke kýáliginiń kóshirmesi, balalarynyń týý týraly kýáligi, jyljymaıtyn múlki joqtyǵyn rastaıtyn anyqtama, jumys isteıtindigin rastaıtyn jáne sońǵy alty aı ishindegi tabysy kórsetilgen anyqtama qajet. Kirisi 101 myń teńgeden kem bolmaýy – shart. Sonymen qatar bank shotynyń bolýy eskeriledi, ondaǵy aqshanyń sommasy ári qansha jáne qalaı qarjy salynatyndyǵy da nazarǵa alynady»,- dep atap ótti Aıbek Saıdildaev.

Qujattardy qabyldaý 23 qyrkúıekten bastalyp, 6 qazanǵa deıin jalǵasady. 7-12 qazan aralyǵynda qujattar tekseriledi. 15 qazan kúni baǵdarlamaǵa qatysýshylardyń tizimi jarııalanady. 16-22 qazan aralyǵynda 5 jyl merzimge beriletin páterlerdiń kelisimsharty jasalady. Sodan keıin páterler berile bastaıdy.

Ótinish berýshilerdiń qujattary bes jumys kúni ishinde tekserilýi kerek. Qujattar tolyq bolmaı qalǵan jaǵdaıda taǵy bir kún qosylady. Sodan keıin on jumys kúni ishinde ákimdik upaılardy eseptep, úmitkerlerdiń tizimin jasaıdy.

Bizdiń kanalymyzǵa jazylyńyz:

Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT