Almatyda zańsyz salynyp jatqan kópqabatty turǵyn úıdi súrý jumysy bastaldy
2022 jylǵy 1 shilde 12:53

Almatyda zańsyz salynyp jatqan kópqabatty turǵyn úıdi súrý jumysy bastaldy

ALMATY. QazAqparat - Sot sheshimimen «Shuǵyla» shaǵynaýdanyndaǵy zańsyz salynyp jatqan turǵyn úı keshenin súrý bastaldy, dep habarlaıdy QazAqparat tilshisi.

«Almaty ákimi Erbolat Dosaevtyń tapsyrmasy boıynsha turǵyndardyń kóptegen ótinishterine baılanysty ǵımaratty buzý týraly másele kóterildi. Qala turǵyndarynyń shaǵymdary negizinde qala qurylysyn baqylaý basqarmasy nysanǵa tekserý júrgizdi. Sáýlet, qala qurylysy jáne qurylys qyzmeti salasynda buzýshylyqtar anyqtalyp, hattamalar toltyryldy»,- dep habarlady qalalyq ákimdikten.

Nátıjesinde sot qaýlysymen qalanyń qala qurylysyn baqylaý basqarmasynyń talap-aryzy qanaǵattandyryldy.

Almaty qalalyq soty qurylysty buzý týraly sheshim qabyldady.

Kópqabatty turǵyn úı keshenin buzý 1 shildede sot oryndaýshylarynyń qatysýymen bastaldy.


Foto: facebook.com/almaty.gov.kz
Uqsas jańalyqtar

Jańalyqtar

Úrdis

MURAǴAT