+7 (701) 759 90 19
USD 425.95 EUR 495.12
RUB 6 CNY 66.6
Jańalyqtar

Almatyda vaktsınalaý protsesi qalaı júrip jatyr

2021 jylǵy 12 naýryz 15:29
Bólisińiz:
Almatyda vaktsınalaý protsesi qalaı júrip jatyr

ALMATY. QazAqparat – Almatyda koronavırýsqa qarsy vaktsınany jetkizý jospary aıtyldy, dep habarlaıdy QazAqparat tilshisi.

Vaktsınanyń birinshi kezeńinde 1750 medıtsına qyzmetkerine ekpe egildi.

Naýryz aıynda 10 myń 800 doza vaktsına alynyp, 658 polıtsııa qyzmetkeri men 310 muǵalim vaktsınatsııalandy. Bul jumys kún saıyn jalǵasýda.

«Biz basqa kontıngentter úshin de ákelinetin kelesi ekpelerdi kútýdemiz. Bul naýryz aıynan soń bolady. Osy oraıda Almaty qalasyna qosymsha 16 myń 300 doza ekpe beriledi. Ekpe alýshylardyń sany óse bermek. Biz qosymsha, ekpe egýge jatatyn stýdentter men basqa da tulǵalarǵa da ekpe egemiz», - dedi Ortalyq qalalyq klınıkalyq aýrýhanasy dırektorynyń ınfektsııalyq baqylaýdy qamtamasyz etý jónindegi orynbasarynyń mindetin atqarýshy Elvıra Ibragımova.

Onyń aıtýynsha, jospar boıynsha kelesi ekpe sáýir, mamyr, maýsym aılyranda ákelinýi tıis.

Spıkerdiń aıtýynsha, Naýryz meıramynan keıin stýdentterge jáne basqa adamdarǵa 16 myńnan astam doza vaktsına alynady.

Elvıra Ibragımova antıdeneler týraly suraqqa da jaýap berdi.

«Antıdeneler 42-shi kúni túziledi. Klınıkalyq zertteýler júrgizilýde. Óndirýshiniń aqparaty boıynsha ımmýnıtet bir jyldan eki jylǵa deıin saqtalady. Eger adam aýyryp-jazylǵan bolsa, onda oǵan saýyqqannan keıin alty aıdan keıin ekpe salýǵa bolady «, - dep túsindirdi ol.

Sonymen qatar, spıker vaktsınanyń qorǵanysy joǵary jáne tipti, eger juqtyrǵan bolsa, aýrý vaktsınatsııalanbaǵan adamdarǵa qaraǵanda jeńil túrde ótetinin basa aıtty. Degenmen, betperde kııýdi jalǵastyrý jáne áleýmettik araqashyqtyqty saqtaý qajet.

«Bul ınfektsııa biz úshin jańa ekenin eskere otyryp, vaktsınatsııadan keıin betperde kııýdi jáne barlyq aldyn alý sharalaryn saqtaýdy usynamyz», - dedi ol.

Esterińizge sala keteıik, aǵymdaǵy jyldyń 1 aqpanynan bastap, Almatyda koronavırýsqa qarsy ekpe egi naýqany bastalǵan. «Spýtnık V» ekpesin egýdiń birinshi kezeńinde medıtsına qyzmetkerleri men pandemııamen kúreste aldyńǵy shepte júrgender egiledi. Naýryzdan bastap, polıtsııa qyzmetkerleri men ustazdar qaýymyna ekpe egý bastaldy.


Bizdiń kanalymyzǵa jazylyńyz:

Bólisińiz:

Avtor:

Gúlmıra Ǵosmanálı

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT