+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Almatyda úzdik polıtseıler marapattaldy

2021 jylǵy 23 maýsym 16:46
Bólisińiz:
Almatyda úzdik polıtseıler marapattaldy

ALMATY. QazAqparat- Almatyda úzdik polıtseıler marapattaldy, dep habarlaıdy QazAqparat tilshisi.

Saltanatty sharaǵa qala ákiminiń orynbasary Erjan Babaqumarov, Polıtsııa departamentiniń basshysy Qanat Taımerdenov, ardagerler jáne polıtsııa departamentiniń jeke quramy qatysty.

Erjan Babaqumarovtyń aıtýynsha, megapolıste alty myńnan astam polıtseı qyzmet etedi.

«Almaty polıtsııasy quqyq qorǵaý organdarynyń erligine úlgi bola alady. Sondyqtan almatylyqtar ózderin qaýipsiz sezinedi. Pandemııanyń eń qıyn jaǵdaıynda da, búkil álemde qylmys artqan shaqta almatylyq polıtseılerdiń tártipti qamtamasyz etkenderi sonshalyq, tipti, qylmys eki esege azaıdy. Mundaı kórsetkishtermen álemniń kez kelgen qalasy jáne kez kelgen quqyq qorǵaý júıesi maqtana alady. Óz ómirlerińiz ben densaýlyqtaryńyzdy táýekelge qoıa otyryp, táýlik boıy shahardyń tártibi men qaýipsizdigin qamtamasyz etetindikterińiz úshin úlken alǵys aıtqym keledi. Sizderge jańa mańyzdy jetistikter, qyzmetterińizde sáttilik tileımin», – dedi Erjan Babaqumarov.

Almaty qalalyq Polıtsııa departamenti tórt ishki ister mınıstrin, 17 mınıstrdiń orynbasaryn, 27 oblystyq jáne qalalyq aýmaqtyq polıtsııa bólimsheleriniń basshysyn tárbıeledi. Prezıdent Jarlyǵymen 36 almatylyq polıtseıge polıtsııa general-maıory ataǵy berildi.


«Memleket basshysy óz Joldaýynda «Polıtsııa jaqyn mańda» qaǵıdasyn júzege asyrýdy atap ótti, osyǵan baılanysty, Almaty qalasy PD qylmyspen kúres jáne qoǵamdyq tártipti qorǵaýda jańa formalardy qoldanýda. Almaty qalalyq Polıtsııa departamenti – qala ákimdiginiń qoldaýymen eldegi eń úzdik materıaldyq-tehnıkalyq jaǵynan qamtamasyz etilgen ishki ister mınıstrliginiń iri qurylymdyq bólimshesi», – dedi Almaty qalalyq Polıtsııa departamentiniń bastyǵy Qanat Taımerdenov.


Búginde Almaty polıtsııasyna jańa vedomstvolyq emhana men sport kesheni salynýda.

«Sonymen qatar osy jyly jas polıtsııa qyzmetkerlerine «Almaty jastary» qalalyq turǵyn úı baǵdarlamasyna qatysýǵa múmkindik berildi. Qazirdiń ózinde 14 áriptesimiz páter aldy», – dedi Qanat Taımerdenov.

Spıkerdiń aıtýynsha, Almaty qalasynyń qyzmetteri men polıtsııa bólimsheleriniń 166 qyzmetkeri ózderiniń kásibı merekelerinde marapataldy.

«Bul kúni men ardagerlerimizge de zor alǵysymdy bildirgim keledi. Búginde olar jas qyzmetkerlerdiń bilimi men damýyna úlken úles qosýda, olar baı tájirıbesi men qyzmettiń úzdik dástúrlerin taratýda jáne qaza tapqandardyń otbasylaryna jan-jaqty qoldaý kórsetýde. Jeke quramǵa, ardagerlerimizge zor densaýlyq, baq-bereke jáne jańa kásibı jetistikter tileımin», – dedi Qanat Taımerdenov.


Bizdiń kanalymyzǵa jazylyńyz:

#Almaty   #Qoǵam  
Bólisińiz:

Avtor:

Alma Muqanova

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT