Valıýta baǵamdary:
    usd/kzt 477.98 eur/kzt 488.93

    rub/kzt 7.93 cny/kzt 70.82
Aýa raıy:
Nur-Sultan: 1 °S
Almaty: 15 °S

Almatyda úshinshi temirjol vokzaly salynady

2022 jylǵy 4 shilde 14:35

ALMATY. QazAqparat - Almaty qalasynyń shetki aımaǵynda Almaty-3 temirjol vokzalyn salý josparlanyp otyr. Bul týraly Almaty ákimi Erbolat Dosaev qalany damytýdyń 2025 jylǵa deıingi josparyn talqylaý barysynda málim etti, dep habarlaıdy QazAqparat tilshisi.

«Qala men qala mańyndaǵy kólik baılanysyn jaqsartý úshin biz qosymsha qala mańynan qaladaǵy kólik habtaryna deıin 30 marshrýt, Almaty-2 stantsııasynan Qonaev qalasyna deıin elektr poıyzyn iske qosamyz, Almaty-3 temir jol vokzalynyń qurylysyn bastaımyz»,- dedi Erbolat Dosaev.

Sonymen qatar ol 2025 jylǵa deıin Qulja tasjoly men Boraldaı-Shamalǵan trassasyn, 2030 jylǵa deıin Talǵar traktisi men joǵarǵy Qaskeleń joly keńeıtiletinin aıtty.

«Qala men Almaty oblysy arasynda kúndelikti qoǵamdyq kólikte jol júrý 2025 jylǵa qaraı qazirgi 400 myńnan 500 myńǵa deıin jáne 2030 jylǵa qaraı 600 myńǵa deıin ulǵaıýy tıis. Almaty aglomeratsııasynda qoǵamdyq kólikti damytý jónindegi birlesken jobalyq keńse qurylatyn bolady»,- dedi ol.


Avtor:

Alma Muqanova

Novostı po teme
Uqsas jańalyqtar