Almatyda úshem dúnıege keldi
2022 jylǵy 1 shilde 10:27

Almatyda úshem dúnıege keldi

ALMATY. QazAqparat - Almatyda Perınatologııa jáne balalar kardıohırýrgııasy ortalyǵynda úshem dúnıege keldi, dep habarlaıdy QazAqparat tilshisi.

Ortalyqtyń málimetinshe, jańa týǵan nárestelerdiń úsheýi de qyz bala. 1600 jáne 1400 gramm salmaqpen týǵan. Úshemder kesir tiligi arqyly dúnıege keldi. Barlyq ýaqyt boıy ana men sábılerdiń densaýlyǵy qatań baqylaýda boldy.

«Birinshi qyz bastapqyda ózdiginen tynys aldy. Salmaǵy tómendeý eki qyz úsh kún ókpeniń ınvazıvti emes jeldetý apparatynda reanımatsııada jatty. Jaǵdaılary turaqtanǵan soń, patologııa bólimshesine aýystyryldy. Qazir sábılerdiń densaýlyǵyna eshqandaı qaýip tónip turǵan joq. Búginde olardyń densaýlyǵy jaqsy, jaǵdaıy turaqty», - dedi náresteler reanımatsııasy bólimshesiniń meńgerýshisi Sanııat Sultanova.

Aıta keteıik, Almatydaǵy Perınatologııa jáne balalar kardıohırýrgııasy ortalyǵynda jyl basynan beri 97 egiz jáne bir úshem dúnıege keldi.


Sýret: flipboard.com
Uqsas jańalyqtar
Seriktester jańalyqtary

Jańalyqtar

Úrdis

MURAǴAT