+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

Almatyda urlanǵan kólik aınalaryn satyp alýshy ustaldy

2019 jylǵy 23 qazan 12:16
Bólisińiz:
Almatyda urlanǵan kólik aınalaryn satyp alýshy ustaldy

ALMATY. QazAqparat– Almatyda avtokólikterdiń urlanǵan kólik aınasyn satyp alýshy ustaldy, dep habarlaıdy QazAqparat tilshisi.

Sońǵy bir aıda Almaly aýdanynyń aýmaǵynda 30-dan astam urlyq jasaǵan ákki ury qylmys ústinde ustaldy.

«Polıtsııa bólimshesine Mámetova men Chaıkovskıı kósheleriniń qıylysynda turǵan kóliktiń aınasy urlanǵany týraly habar kelip tústi. Tergeý toby oqıǵa ornyna jiberildi. Qylmyskerdiń qoltańbasyn eskere otyryp, biz onyń osy aýdanǵa taǵy da urlyq jasaýǵa keletinin bildik. Rasynda solaı boldy. Kóp uzamaı tártip saqshylary kúdiktini anyqtap, ustady. Er adam qolyndaǵy aıǵaq zattardan qutylýǵa tyrysty. Urlanǵan aınalardy laqtyryp jiberdi»,-deıdi Almaly aýdandyq polıtsııa basqarmasynyń bastyǵy Esen Ysqaqov.

Kúdikti 1987 jyly týǵan. Buryn qaraqshylyq jasap, bótenniń múlkin urlaǵany úshin birneshe ret sottalǵan. Osy faktige qatysty QR QK 188-baby 3-bóligi boıynsha sotqa deıingi tergeý bastaldy.


Kúdikti negizinen «Toyota Land Cruiser 200», «Lexus LX 570», «Toyota Camry 55» markaly kólikterdiń búıir aınalaryn urlaýǵa mamandanǵan. Ol qylmystyq jolmen tapqan taýaryn «Kar Sıtı» saýda úıinde jumys isteıtin tanysyna satyp kelgen.

«Urlanǵan aınalardy 32 jastaǵy M. atty azamat satyp alyp, ony basqa satýshylarǵa berip otyrǵan. Osylaısha ol urlanǵan aınalardy qaıta satý arqyly ústinen paıda kórgen. Qazir onyń ústinen QR QK 196-babynyń 2-bóligi boıynsha qylmystyq is qozǵaldy. Eki kúdikti de ýaqytsha ustaý ızolıatoryna qamaldy. Tergeý amaldary júrgizilýde», - deıdi Esen Ysqaqov.

Bizdiń kanalymyzǵa jazylyńyz:

Basty sózder: Almaty, Qylmyspen kúres,
Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT