Jańalyqtar  >
Almatyda «Tuzdybastaý» qosalqy elektr stantsııasy salynyp jatyr
2022 jylǵy 17 tamyz 22:31

Almatyda «Tuzdybastaý» qosalqy elektr stantsııasy salynyp jatyr

ALMATY. QazAqparat – Almatyda «Tuzdybastaý» qosalqy elektr stantsııasynyń qurylysy 2023 jyly aıaqtalady. Bul týraly Túrksib aýdany ákiminiń orynbasary Naıl Lebaev Óńirlik kommýnıkatsııalar qyzmetinde ótken brıfıngide málim etti, dep habarlaıdy QazAqparat tilshisi.

«Tuzdybastaý» qosalqy stantsııasynyń qurylysy jalǵasýda. Іske qosý merzimi – 2023 jyldyń 1-shi toqsany. Sonyń nátıjesinde «Qaırat» jáne «Nurshashqan» shaǵynaýdandarynda elektr energııasymen problema joıylatyn bolady. Jyl sońyna deıin «Álmerek», «Nurshashqan», «Shýaqty» shaǵynaýdandarynyń ishinde elektrmen jabdyqtaýdyń taratý jelileri salynady», - dedi spıker.

Sonymen qatar ol Túrksib aýdanynda 2020-2024 jyldarǵa arnalǵan «Jańa Almaty» shet aımaqtardy damytýdyń keshendi jospary belsendi júzege asyrylyp jatqanyn atap ótti.

«Osy jyldyń naýryz aıynda Tómengi Pıatıletka aýdanynda 4120 úıdi qamtıtyn sýmen jabdyqtaý jáne sýdan burý jelileriniń qurylysy bastaldy, onda 16 myńnan astam turǵyn turady. Jelilerdi salýdy 2023 jyly aıaqtaý josparlanyp otyr. Sonymen qatar «Jas qanat» shaǵynaýdanynda montajdaý jumystary júrgizilýde, onda 2500 turǵyndy qamtıtyn 530 úıge sý júrgiziledi. Jumystar osy jyldyń sońynda aıaqtalady», - dedi ol.

Sonymen qatar Zakarpatskaıa kóshesi boıynda sý qubyry jáne sýdan burý jelileriniń qurylysy júrgizilýde (70 abonent). Qazirgi ýaqytta konkýrstyq rásimder júrgizilýde, aıaqtalý merzimi – 2022 jyldyń qyrkúıek aıy. Qurylys-montaj jumystaryn jyl sońyna deıin aıaqtaý josparlanyp otyr.

Budan bólek, «Shýaqty» shaǵynaýdanynda (400 abonent) sý qubyry men kárizdiń taratý jelileriniń qurylysy bastaldy. Jumystardy 2023 jyldyń sońyna deıin aıaqtaý kózdelgen.

Aýdan ákiminiń orynbasary «Maıak» shaǵynaýdanynda sý qubyry jáne káriz jelileriniń qurylysyna JSQ ázirlenip jatqanyn tilge tıek etti.

«Sondaı-aq sý «Qaırat» shaǵynaýdanyna, Buqtyrma kóshesiniń ońtústigine (Shyǵys qaqpasy) ótedi. «Álmerek» shaǵynaýdanynda 261 úıge sý jáne 517-ge sýdan burý jelileri tartylady»,- dedi Naıl Lebaev.

Sóz sońynda spıker Túrksib aýdany magıstraldyq gaz jelisimen 99% qamtylǵanyn aıtty.

«Aýdanda barlyǵy 25 128 jeke menshik úı, onyń ishinde 24 963 úı gazdandyrylǵan. 165 úı gazǵa qosylmaǵan bolyp qala beredi. Bul rette 95-ine gaz magıstrali tartyldy, onyń ishinde 19 úı qosylý satysynda, 76 úıde obektıvti sebepter boıynsha merdigerlik uıymdarmen ishki montajdaýǵa arnalǵan shart joq (jer ýchaskelerinde qurylystardyń bolmaýy, aıaqtalmaǵan qurylystar, ýaqytsha qurylystar, zańdastyrylmaǵan úı qurylystary)», - dep atap ótti spıker Óńirlik kommýnıkatsııalar qyzmetiniń brıfınginde.

Jeke ınvestıtsııalar esebinen jańadan salynǵan 70 úıge gaz magıstraliniń qurylysy júrgizilýde, aıaqtalý merzimi – 2022 jylǵy qyrkúıek. Bul rette demeýshiler esebinen ótken jyly áleýmettik jaǵynan osal 25 otbasynyń úıi gazǵa qosyldy.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT