+7 (701) 759 90 19
USD 427.15 EUR 519.12
RUB 5.96 CNY 66.84
Jańalyqtar

Almatyda tutynýshylardyń shaǵymdaryn qabyldaıtyn biryńǵaı júıe iske qosyldy

2021 jylǵy 13 mamyr 01:21
Bólisińiz:
Almatyda tutynýshylardyń shaǵymdaryn qabyldaıtyn biryńǵaı júıe iske qosyldy

ALMATY. QazAqparat – Tutynýshylardyń quqyqtaryn qorǵaý salasynda shaǵymdardy qabyldaýdyń biryńǵaı aqparattyq júıesi iske qosyldy. Bul týraly onlaın brıfıng barysynda Almaty qalasy Tutynýshylardyń quqyqtaryn qorǵaý departamentiniń basshysy Arman Aqsýbaev aıtty, dep habarlaıdy QazAqparat tilshisi.

Onyń aıtýynsha, byltyr «Tutynýshylardyń quqyqtaryn qorǵaý týraly» Zańǵa túzetýlerdiń 1-paketi qabyldandy. Bul mańyzdy qadam tutynýshylardyń shaǵymdaryn qaraýdyń 3 satyly mehanızmin (satýshy - memlekettik organdar – sot) iske qosýǵa jáne quqyq qorǵaýshylar tizimin qalyptastyrýǵa kómektesti.

«Jańa tetik satýshynyń aldyna tutynýshylardyń shaǵymdaryna jaýap berý mindettemesin, tutynýshynyń quqyqtaryn osy jerde jáne qazir qamtamasyz etý algorıtmin qarastyrady. Ol úshin tutynýshylardyń shaǵymdaryn qaraýdyń úsh satyly júıesi engizildi», - dep Arman Aqsýbaev.

Sonymen, birinshi kezeńde satýshy satyp alýshynyń shaǵymyn óz betinshe nemese tutynýshylardyń quqyqtaryn qorǵaý uıymdaryn tarta otyryp qaraýǵa mindetti. Bul shaǵymdardy sol jerde jáne sol ýaqytta beıbit jolmen sheshýge bolatyn alǵashqy kezeń.

«Ekinshi saty memlekettiń qosylýyn kózdeıdi. ıAǵnı, eger satýshy keliskisi kelmese, shaǵymdy tutynýshylardyń quqyqtaryn qorǵaý komıtetine nemese basqa mamandandyrylǵan organǵa jiberedi. Mysaly, eger satýshy tarazyny burap qoısa nemese onlaın dúken taýardy jibermese, onda bul alaıaqtyq bolyp sanalady jáne ІІM organdarynyń jumys salasy bolyp tabylady», - deıdi spıker.

Sotqa júginý, is júzinde, shaǵymdy qaraýdyń sońǵy satysy.

«Osylaısha, biz kásipkerler men úkimettik emes uıymdarǵa birinshi kezekte memlekettiń qatysýynsyz máseleni sheshýge múmkindik beremiz. Tutynýshylarǵa, bızneske jáne memlekettik organdarǵa yńǵaıly bolý úshin shaǵymdardy qabyldaý men qaraýdyń e-tutynushy.kz biryńǵaı aqparattyq júıesi iske qosyldy», - dep atap ótti ol.

Búgingi tańda bul júıe jumys isteıdi jáne bir ýaqytta synaqtan ótýde, kemshilikter men qateler joıylyp, júıeniń fýnktsıonaldyǵy birtindep engiziledi.

«Tutynýshyǵa yńǵaıly bolý úshin júıede daýdyń nysanasyna baılanysty shaǵymdardyń birqatar úlgilik nysandaryn ornalastyrý kózdeledi. Sondaı-aq tutynýshy qajet bolǵan jaǵdaıda júıede qosa berilgen tizbeden óz ókilin tańdap, sotqa deıingi retteýdiń jumys istep turǵan ınstıtýttarynyń birin tańdaı alady ne shaǵymdy tikeleı memlekettik organǵa jibere alady.Búgingi tańda júıege kirý barlyq qatysýshylarǵa usynylǵan, platforma e-tutynushy.kz elektrondyq mekenjaıy boıynsha qol jetimdi»,-deıdi departament basshysy.

Brıfıng barysynda Arman Aqsýbaev «tutynýshylardyń quqyqtaryn qorǵaý týraly» Zańǵa túzetýlerdiń 2-shi paketin ázirleý júrgizilip jatqanyn tilge tıek etti.

«Qazaqstan tutynýshylarynyń biryńǵaı ulttyq qaýymdastyǵyn qurý, tutynýshylardyń quqyqtaryn qorǵaý jónindegi Ombýdsmen ınstıtýtyn engizý, azamattyq qoǵamdy kúsheıtý jáne nyǵaıtý jónindegi bastamasy pysyqtalýda. Respýblıkada tutynýshylar quqyǵyn qorǵaý salasynda 60-tan astam qoǵamdyq uıym bar»,-dedi ol.

Sonymen qatar, ol atalǵan strategııa tutynýshylardyń quqyqtaryn qorǵaý júıesin odan ári reformalaýǵa jáne jańǵyrtýǵa baǵyttalǵanyn, bul taýarlar men qyzmetterdiń sapasyn arttyrýǵa jáne tıisinshe qazaqstandyqtardyń ál-aýqatynyń ósýine yqpal etetinin atap ótti.


Bizdiń kanalymyzǵa jazylyńyz:

#Almaty   #Qoǵam  
Bólisińiz:

Avtor:

Alma Muqanova

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT