+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Almatyda túrkolog Telǵoja Januzaqtyń bes tomdyq eńbeginiń tusaýkeseri ótti

2021 jylǵy 22 mamyr 12:01
Bólisińiz:
Almatyda túrkolog Telǵoja Januzaqtyń bes tomdyq eńbeginiń tusaýkeseri ótti

ALMATY. QazAqparat – Almatyda belgili túrkolog, fılologııa ǵylymdarynyń doktory, professor, QR Memlekettik syılyǵynyń laýreaty Telǵoja Januzaqtyń «Qazaq onomastıkasy» atty bes tomdyq eńbeginiń tusaýkeseri ótti, dep habarlaıdy QazAqparat tilshisi.

Onlaın jáne offlaın rejımde ótken sharaǵa Halyqaralyq Túrki akademııasynyń prezıdenti Darhan Qydyráli, belgili túrkolog, QR Memlekettik syılyǵynyń ıegeri, professor Telǵoja Januzaq, Ál-Farabı atyndaǵy QazUÝ Áleýmettik damý jónindegi prorektor Álııa Masalımova men basqa da zııaly qaýym ókilderi qatysty.


Alqaly jıyn barysynda Halyqaralyq Túrki akademııasy ázirlegen Telǵoja Januzaqtyń «Qazaq onomastıkasy» atty 5 tomdyq eńbeginiń tusaýkeseri ótip, oqyrman qaýymǵa jol tartty.

Іrgeli ǵylymı eńbek otandyq onomastıka ǵylymy salasynyń máselelerin jan-jaqty qamtyǵan tolyqqandy jınaq bolýymen erekshelenedi. Sondaı-aq, kitaptarda ǵalymnyń ár-jyldarda jazǵan eńbekteri jańa redaktsııada usynylyp otyr.

Sharaǵa qatysýshylar qazaq onomastıkasynyń negizin qalaýshysy Telǵoja Januzaqtyń jer-sý, adam esimderi men tegi, taıpa, ulys, halyq attary men aspan deneleri jáne ǵarysh keńistikteri ataýlarynyń shyǵý, paıda bolý jáne tek - tórkinderine arnalǵan eńbekteri óshpes mura ekenin atap ótti.

Qazirgi tańda onomastıka respýblıkadaǵy ulttyq til saıasatynyń jetekshi baǵyttarynyń biri retinde tek ǵylymı-tájirıbelik, mádenı tarıhı ǵana emes, sonymen qatar qoǵamdyq – saıası mańyzǵa da ıe bolyp otyr.

Telǵoja Januzaqtyń aıtýynsha, qazir onomastıka salasy jaqsy damyp keledi. Desekte, kemshul tustary bar.

« Negizi erejege saı, eki jerge ǵana bir adamnyń aty berilýi kerek. Qazir bizde onshaqty mekemege bir adamnyń esimi berile beredi. Tipti óz týysqandarynyń atyn berý sánge aınaldy. Aýdan, aýyl attaryn qoıýda da burmalaý kóp. Osyny retke keltirý úshin naqtyly Úkimet tarapynan ereje kerek. Sonda ǵana biz alǵa qaraı jyljımyz. Qazirde jaman emes, desekte osy usynysty nazarǵa alsa deımin»,- deıdi Telǵoja Januzaq.

Aıta keteıik, qazaq onomastıka salasynyń kórnekti ókili, fılologııa ǵylymdarynyń doktory Telǵoja Januzaq bıyl 94 jasqa toldy. Basqosýǵa jınalǵandar ǵalymdy mereıli jasymen quttyqtap, izgi nıetterin bildirdi.


Bizdiń kanalymyzǵa jazylyńyz:

Bólisińiz:

Avtor:

Alma Muqanova

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059

MURAǴAT