2022 jylǵy 24 maýsym 20:26
Almatyda trolleıbýs órtendi
ALMATY. QazAqparat – Almatyda Jandosov pen Altynsarın kósheleriniń qıylysynda jolaýshylar trolleıbýsy órtendi, dep habarlaıdy QazAqparat tilshisi.
Órtenip jatqan trolleıbýstyń vıdeosy jelide tarady.
«AlmatyElektroTrans» JShS-nyń málimetinshe, júrgizýshiden №12-shi trolleıbýstyń órtengeni týraly habarlama saǵat 14.55-te túsken.
«Kóliktiń tóbesi jandy (tómenvoltty zarıadtaý qurylǵysy). Júrgizýshi órt sóndirýshiler kelgenshe, órtti ózi sóndirip úlgerdi. Keıin trolleıbýsty parkke súırep áketti. Zardap shekkender joq», - dep habarlady kompanııada.
Eske salaıyq, búgin Almatyda tústen keıin kún kúrkirep, nóser jaýyn jaýdy. Tolassyz jaýǵan jaýyn sýy kóshelerdegi aryqtardy toltyryp, kóshelerdi sý basty.
Sondaı-aq... oqyńyz
Seriktester jańalyqtary
TOP
