+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Almatyda tıktokerler arasynda baıqaý ótedi

2021 jylǵy 22 qyrkúıek 19:07
Bólisińiz:
Almatyda tıktokerler arasynda baıqaý ótedi

ALMATY. QazAqparat - Almatyda Kreatıvti ındýstrııa basqarmasy «Mansap kúni», «Jas Stars» kreatıvti is-sharasy jáne «Almaty TikTok challenge» onlaın is-sharalaryn uıymdastyratyn boldy, dep habarlaıdy QazAqparat tilshisi.

Uqsas jańalyqtar
Almatyda qoǵamdyq oryndarda dabyl batyrmalary ornatylady Almatyda órt shyqqan úıden ana men bala qutqaryldy Almatyda qylmys deńgeıi 5,4% tómendedi

Bul týraly Óńirlik kommýnıkatsııalar qyzmetinde ótken brıfıngide Almaty qalasy Kreatıvti ındýstrııa basqarmasynyń basshysy Qaısar Sarybaev aıtty.

Onyń sózinshe, Almatyda «Almaty Creative Industries Forum-2021» birinshi kreatıvti onlaın-forýmy ótedi. Forým aıasynda Akseleratsııa men kreatıvti startaptardyń «Creaton» chempıonatyn ótkizý josparda bar. Qazirgi epıdemıologııalyq jaǵdaıǵa baılanysty shara onlaın túrde ótedi.

Sonymen qatar, Kreatıvti ındýstrııalar basqarmasy almatylyqtardyń Qala kúnimen erekshe quttyqtaýlaryna arnalǵan «Almaty TikTok challenge» baıqaýyn bastady.

«Almatynyń tanymal tıktokerleri baıqaýǵa qatysa bastady, olar qalanyń ár jerinde beınerolıkter túsiredi, bul qalanyń týrıstik jáne mádenı áleýetin damytýǵa yqpal etedi», - dep atap ótti Q. Sarybaev.

Tıktok keńistigi týraly aıta otyryp, Q. Sarybaev osy jeliniń arqasynda almatylyq medıa juldyzdardyń búkil álemge tanymal ekenin basa aıtty. Mysaly, «homıak» degen búrkenshik esimdi Alına Kım búkil TMD aýmaǵynda eń tanymal tıktoker. Ol álemdegi úzdik Top-3-te ekinshi orynda tur.

«Bizdiń qalada úlken shyǵarmashylyq áleýet bar. Munda kreatıvti ıdeıalar quratyn talantty adamdar turady jáne jumys isteıdi. Olarǵa tek qarjylyq turǵydan ǵana emes, jalpy serpin berý qajet. ıAǵnı, kreatıvti orta, kreatıvti klasterler qurý. Eger ár aýdanda sizdiń shyǵarmashylyǵyńyzdy damytatyn oryndar bolsa, onda kreatıvshilerdiń sany geometrııalyq túrde artady», - dedi Q. Sarybaev.

Ol ózi basqaratyn basqarmanyń basty mindeti turǵyndardyń ómir súrý sapasyn jaqsartý ekenin aıtty.

«Ekonomıkalyq áserden basqa, kreatıvti ındýstrııalar mańyzdy mádenı jáne áleýmettik jobalardyń bastamashysy bolady. Dál osy jerde jalpy qoǵamnyń damýyna áser etetin maǵynalar, materıaldyq qundylyqtar men tendentsııalar týady», - dedi spıker.

Aıtý kerek, Almatyda «Mansap kúni» jáne «Jas Stars» sııaqty shyǵarmashylyq is-sharalardy onlaın-formatta ótkizý josparlanýda.


Bizdiń kanalymyzǵa jazylyńyz:

#Almaty   #Qoǵam  
Bólisińiz:

Avtor:

Dýman Arǵyngeldi

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059

MURAǴAT