Almatyda taýda joǵalǵan qyzdy izdeý jumystary kóktemde jalǵasady

ALMATY. QazAqparat - Almatyda taýda joǵalyp ketken Ásel Panarǵalıevany izdeý ýaqytsha toqtatyldy. Іzdeý jumystary kóktemde qaıta jalǵasatyn bolady. Bul týraly respýblıkalyq jedel qutqarý jasaǵynyń baspasóz qyzmeti málimdedi, dep habarlaıdy QazAqparat tilshisi.

Uqsas jańalyqtar

Qostanaılyq polıtseıler iz-túzsiz joǵalǵan boıjetkenge izdeý saldy

«Qazir respýblıkalyq jedel qutqarý jasaǵynyń qutqarýshylary taýda jattyǵyp jatyr. Olar kúnde sol marshrýt boıynsha júredi. Biraq izdeý jumystary resmı túrde júrgizilip jatqan joq. Sonymen qatar, bizde joǵalǵan qyzdyń taýda ekeni týraly naqty aqparat joq. Múmkin ol qalada shyǵar. Desek te, qutqarýshylar izdeý jumystaryn kóktemde qaıta jalǵastyratyn bolady»,- dep habarlady respýblıkalyq jedel qutqarý jasaǵynyń baspasóz qyzmeti.

Eske salaıyq, boıjetkenniń joǵalǵany týraly 10 qarasha kúni belgili boldy. Ol taý týrızmimen aınalysyp júrgen. 9 qarashada saǵat 13:00 shamasynda ol Úlken Almaty (Josaly) kólinde túsken fotosyn áleýmettik jelige jarııalaǵan. Odan keıin baılanysqa shyqpaǵan.

Kosmostantsııa aýdanynda 9 qarasha kúni qyzdyń taýdan túsip kele jatqanyn adamdar kórgen.

Odan keıin polıtsııa qyzdyń telefony arqyly qalanyń ár buryshynan telefon qońyraýlary jasalǵanyn anyqtady.

Keıin izdestirý jumystary qyzdyń týystarynyń ótinishi boıynsha toqtatyldy.

Alaıda 12 qarasha kúni Á.Panarǵalıevanyń jaqyndary izdestirý jumystaryn jalǵastyrýdy surady.

Qyzdy izdestirýge alpınıster de jumyldyryldy.

Іzdestirý jumystary eshqandaı nátıje bermegen soń, Ásel Panarǵalıevanyń týystary ol týraly kez kelgen aqparatqa aqshalaı syıaqy beriletindigin jarııalady.