Almatyda tártipsizdikter barysynda lańkester 1347 qarý urlady - Qanat Taımerdenov
2022 jylǵy 16 qańtar 20:27

Almatyda tártipsizdikter barysynda lańkester 1347 qarý urlady - Qanat Taımerdenov

NUR-SULTAN. QazAqparat – Almatyda tártipsizdikter barysynda lańkester 1347 qarý urlady. Bul týraly Almaty qalalyq Polıtsııa departamentiniń bastyǵy Qanat Taımerdenov búgin Ortalyq kommýnıkatsııalar qyzmetinde bolǵan onlaın brıfıngide aıtty, dep habarlaıdy QazAqparat tilshisi.

«Men qoǵamdyq qaýipsizdikti qamtamasyz etý, azamattardyń ómiri men múlkin qorǵaý maqsatynda arnaıy jedel jospar engizdim. Dabyl boıynsha garnızonnyń barlyq jeke quramy kóterildi. Qala kóshelerinde, saıabaqtarda, alańdarda qosymsha polıtsııa jasaqtary men Ulttyq ulannyń áskerı qyzmetkerleri qoıyldy. Strategııalyq nysandar men tirshilikti qamtamasyz etý, nysandardy qorǵaý kúsheıtildi. Osy ýaqytta lańkester bir mezgilde qalanyń ár jerinde patrýldik jasaqtarǵa shabýyldaı bastady», - dedi Qanat Taımerdenov.

Osy oraıda urlanǵan qarýdyń sanyn jarııalandy.

«Lańkesterdiń basqa toptary bir ýaqytta qarý-jaraq dúkenderin basyp aldy. Olar sol jerden qarý-jaraq pen oq-dárini ıemdendi. Barlyǵy búgingi tańda 1347 qarý urlanǵan. Onyń ishinde 501 myltyq, 807-si tegis uńǵyly jáne 39 gaz-travmatıkalyq qarý. Osynyń barlyǵy naqty uıymdastyrylǵan. Olardyń is-áreketi top jetekshilerimen úılestirildi», - dedi departament basshysy.


Avtor:
Tilshi

Jańalyqtar

MURAǴAT