Almatyda taksı júrgizýshisi qarý jasyrǵan er adamdy anyqtaýǵa kómektesti
2022 jylǵy 14 qańtar 15:53

Almatyda taksı júrgizýshisi qarý jasyrǵan er adamdy anyqtaýǵa kómektesti

ALMATY. QazAqparat - Almatyda taksı júrgizýshisi polıtsııaǵa qarý jasyrǵan er adamdy anyqtaýǵa kómektesti, dep habarlaıdy QazAqparat tilshisi.

M. Áýezov aýdandyq polıtsııa qyzmetkerleriniń málimetinshe, I. esimdi er adam jappaı tártipsizdik pen basqa da zańsyz áreketterge belsendi qatysqan, sonymen qatar iri qarý dúkenin tonap, odan 10 patrony bar «BrowntnG» tegis uńǵyly myltyǵyn urlap ketken.

Kúdikti myltyqty besinshi yqsham aýdandaǵy aýlanyń biriniń qoqys jáshigine tyǵyp qoıǵan.

Birneshe kúnnen keıin kúdikti taksıge otyryp, myltyq jasyrynǵan jerge kelgen. Kólik júrgizýshisi jolaýshynyń teledıdar jáshigine qarý jasyryp júrgenin baıqap, polıtsııaǵa habar berdi.

Tutqyndaý kezinde I.esimdi er adam áskerı kıimde bolǵan. Ony qaıdan alǵanyn tergeý anyqtaıtyn bolady. Qazirgi ýaqytta atalǵan fakti boıynsha sotqa deıingi tergeý amaldary júrgizilýde. Ustalǵan adam ýaqytsha ustaý ızolıatoryna qamaldy.

Almaty qalasynyń komendatýrasy qamqor turǵyndarǵa belsendi azamattyq ustanymy jáne qalada quqyqtyq tártipti ornatýǵa kómekteskeni úshin alǵysyn bildiredi.


Avtor:
Tilshi

Jańalyqtar

MURAǴAT