Almatyda sýǵa shomylý erejesin buzǵan 9 adam ákimshilik jaýapqa tartyldy
2022 jylǵy 27 maýsym 11:10

Almatyda sýǵa shomylý erejesin buzǵan 9 adam ákimshilik jaýapqa tartyldy

ALMATY. QazAqparat - Sýǵa shomylý maýsymy bastalǵannan beri qalanyń sý qoımalarynda qaýipsizdik erejelerin buzǵany úshin 9 azamatqa aıyppul salyndy, dep habarlaıdy QazAqparat tilshisi.

«Saıran kóliniń batys jaǵalaýynda shomylýǵa tyıym salynǵan jerde 25 jastaǵy eki er adamǵa jáne sý qoımasynyń janynda alkogoldi ishimdikterdi iship otyrǵan 45 jastaǵy áıelge aıyppul salyndy. Olar QR ÁB týraly Kodeksiniń 364-babyna sáıkes «ortaq sý paıdalaný erejelerin buzý», sondaı-aq 440-babyna «alkogoldi ishimdikterdi ishý nemese qoǵamdyq oryndarǵa mas kúıde kelý» boıynsha ákimshilik jaýapqa tartyldy»,- dep habarlady Almaty qalalyq Tótenshe jaǵdaılar departamentiniń baspasóz qyzmeti.

Vedomstvo ókilderiniń aıtýynsha, maýsym aıynan bastap 9 adam ákimshilik jaýapqa tartyldy. Qaıtalap buzǵan jaǵdaıda 2 AEK, ıaǵnı 6 myń teńgeden astam aıyppul salynady.

Aıta keteıik, Almaty aýmaǵynda shomylýǵa ruqsat etilgen 4 oryn belgilengen.



Uqsas jańalyqtar

Jańalyqtar

Úrdis

MURAǴAT