Almatyda sý qubyry jarylyp, topyraq kóshkini boldy
2021 jylǵy 27 qarasha 17:03

Almatyda sý qubyry jarylyp, topyraq kóshkini boldy

ALMATY. QazAqparat- Medeý aýdanynda sý qubyrynyń jarylyp, topyraq kóshkini boldy, dep habarlaıdy QazAqparat tilshisi.

«Búgin tańǵy saǵat 09: 30-da «Kóktóbe» shaǵynaýdany T.Bıgeldınov kóshesindegi 35-úıdiń janynda, kólemi 30 tekshe metr topyraq kóshti. Nátıjesinde jol ótýine kedergi týyndap, 35-úıdiń metall qorshaýy zaqymdaldy. Dereý qaýipsizdik beketteri qoıylyp, sý qubyry biteldi, zardap shekkender joq, joldy tazartý jumystary júrgizildi»,- dep habarlady departamentten.

Oqıǵa ornyna TJD 5 qyzmetker, 2 birlik tehnıka, «Qazseldenqorǵaý» MM 2 qyzmetker, 1 birlik tehnıka, aýdan ákimdiginen 5 qyzmetker, 2 birlik tehnıka, «Almaty Tazalyq» JShS 10 qyzmetker, 2 birlik tehnıka jumyldyryldy.

Jalpy syrǵymalar tabıǵı jáne tehnogendik sıpattaǵy túrlerge bólinedi: Tabıǵı – topyraqtyń ylǵaldanyp batpaqtanýyna jáne tehnogendik sıpattaǵy -qubyrlardyń aqaýlary, sýdy baqylaýsyz paıdalaný, betkeılerge júkteme jáne taǵy basqa sebepterinen paıda bolady.

Osyǵan baılanysty syrǵyma, topyraq kóshkin qaýpi bar ýchaskelerde turǵyn úıler salý usynylmaıdy;

Úılerdi salý, joldardy kesý, josparlaý jumystary úshin taýdyń baýraıyn kesý usynylmaıdy;

Germetıkalyq emes septıkterdi, dárethanalardy jáne t. b. paıdalanýǵa tyıym salynady;

Turǵyn úı alaptarynyń ıelerine, baý-baqsha jáne saıajaı qoǵamdarynyń basshylaryna sý qubyry jáne sýarý qubyrlarynyń jaı-kúıin udaıy baqylap otyrý usynylady;

Sýarmaly sýdy paıdalanýdy baqylańyz.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT