+7 (701) 759 90 19
USD 429.76 EUR 518.16
RUB 5.64 CNY 66.15
Jańalyqtar

Almatyda soǵys ardagerlerine 1 mln teńgeden berildi – Baqytjan Saǵyntaev

2020 jylǵy 9 mamyr 13:24
Bólisińiz:
Almatyda soǵys ardagerlerine 1 mln teńgeden berildi – Baqytjan Saǵyntaev

ALMATY. QazAqparat - Almaty ákimi Baqytjan Saǵyntaev almatylyqtardy Ekinshi dúnıejúzi soǵysyndaǵy Jeńistiń 75 jyldyǵymen quttyqtady, dep habarlaıdy QazAqparat tilshisi.

Qala basshysy óziniń Instagram paraqshasynda 9 mamyrda jer betin fashıstik ezgiden azat etken maıdangerlerimizge qurmet kórsetiletinin aıtty.

«Qaıtalanbaýy tıis sol bir azapty jyldar ýaqyt ótken saıyn bizden alystap barady. Biz osylaı ardagerlerimizge qurmet kórsetken saıyn olardyń sol bir surapyl jyldardaǵy erligi jadymyzda kún saıyn jańǵyra bereri sózsiz. Halyq qaharmany Baýyrjan Momyshuly aıtqandaı, soǵys qasiret pen qaıǵyny eske túsirýmen birge, qan maıdandaǵy shaıqastar men eren erlikterdiń de esteligi. Bul – Jeńis jańǵyryǵy!» - dep jazdy Baqytjan Saǵyntaev.

Qala basshysynyń aıtýynsha, ardagerler egde tartqan jasyna qaramastan olar qoǵamdyq ómirge etene aralasyp, Otanǵa degen súıispenshilik pen adaldyqtyń, adamgershilik pen abyroıdyń bıik deńgeıdegi úlgisin kórsetip keledi.

«Búginde biz ardagerlerge qamqorlyq pen yqylas-iltıpat kórsetip otyrýǵa tyrysamyz», — dep jazdy shahar basshysy.

Qala ákimi bıyl qala Uly Otan soǵysynyń qatysýshylary men múgedekterine mıllıon teńdegen bólgenin atap ótti. Sondaı-aq, soǵys maıdangerleri men múgedekterine teńestirilgen turǵyndar, maıdan dalasynda qaza tapqan sarbazdardyń jesirleri, tyl eńbekkerleri de nazardan tys qalmaǵan.

«Biz, búgingi urpaq, sizderdiń aldaryńyzda bizdi jaqsy ǵumyr keshsin dep syılaǵan beıbit ómir, ashyq aspan úshin basymyzdy ıemiz. Erlikterińiz eshqashan umytylmaıdy! Sizderge zor densaýlyq tileımin!», – dedi qala ákimi B. Saǵyntaev.


Bizdiń kanalymyzǵa jazylyńyz:

Bólisińiz:

Avtor:

Gúlmıra Ǵosmanálı

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT