Almatyda shyǵys aınalma joly bir túnge jabylady
2022 jylǵy 6 shilde 18:09

Almatyda shyǵys aınalma joly bir túnge jabylady

ALMATY. QazAqparat- Almaty qalasynda Shyǵys aınalma jolynyń bir bóligi jabylady, dep habarlaıdy QazAqparat tilshisi.

«Jol jóndeý jumystarynyń júrgizilýine baılanysty 6 shilde kúni keshki saǵat 21: 00-den 7 shilde tańǵy saǵat 07:00-ge deıin Shyǵys aınalma avtojolynyń Jarbulaq ózeninen Tóle bı kóshesi deıingi bóliginde kólik qozǵalysy ýaqytsha shekteledi», - dep habarlady Almaty qalalyq mobıldilik basqarmasynan.

Basqarma ókilderi keltirilgen qolaısyzdyqtar úshin keshirim surap, júrgizýshilerden jol júrý baǵytyn aldyn ala josparlaýlaryn suraıdy.

Buǵan deıin Almaty-Qaskeleń jolynyń bir bóligi jóndeý jumystaryna baılanysty jabylǵanyn jazǵan bolatynbyz.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT