Almatyda shomylý maýsymy bastalǵannan beri 6 adam ákimshilik jaýapkershilikke tartyldy
2022 jylǵy 24 maýsym 01:31

Almatyda shomylý maýsymy bastalǵannan beri 6 adam ákimshilik jaýapkershilikke tartyldy

ALMATY. QazAqparat - Almatyda qalalyq Tótenshe jaǵdaılar departamenti Jergilikti polıtsııa qyzmeti, Respýblıkalyq jedel-qutqarý jasaǵy, qutqarý qyzmeti,t«Qyzyl jarty aı» qoǵamy jáne Lider KZ eriktilerimen birlesip, qalanyń akvatorııalarynda reıdtik is-sharalar ótkizýde, dep habarlaıdy QazAqparat tilshisi qalalyq TJD baspasóz qyzmetine silteme jasap.

Reıdtiń maqsaty - qaladaǵy sý aıdyndarynda jazataıym oqıǵalardy boldyrmaý, jalpy sý paıdalaný qaǵıdalary men qoǵamdyq tártipti buzý faktileriniń aldyn alý.

«Almatyda shomylý maýsymy bastalǵannan beri «Ákimshilik quqyq buzýshylyq týraly» kodekstiń 364-baby - jalpy sý paıdalaný erejelerin buzǵany úshin 5 adam, 440-bap - alkogoldi ishimdikter nemese qoǵamdyq oryndarǵa mas kúıinde kelý boıynsha 1 adam ákimshilik jaýapkershilikke tartyldy», - delinedi TJD habarlamasynda.

Sondaı-aq, TJD reıdtik is-sharalarǵa qulaqtandyrý avtomobıli, DJI Matrice 300 daýys zoraıtqysh qurylǵysy bar pılotsyz platforma (dron) tartylatynyn habarlady.

Osyǵan baılanysty qutqarýshylar turǵyndarǵa ortaq sý paıdalaný erejelerin buzbaýǵa jáne qalanyń ruqsat etilgen jaǵajaılarynda ǵana shomylýǵa keńes berdi.

Eske salaıyq, Almatyda «Saıran» kóliniń túbi tazartý jumystary bastalǵanyn habarlaǵan bolatynbyz.


Uqsas jańalyqtar

Jańalyqtar

Úrdis

MURAǴAT