+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Almatyda Shómishbaı Sarıevke memorıaldy taqta ornatyldy

2021 jylǵy 24 qyrkúıek 11:40
Bólisińiz:
Almatyda Shómishbaı Sarıevke memorıaldy taqta ornatyldy

ALMATY. QazAqparat – Almatyda aqyn Shómishbaı Sarıev turǵan úıge memorıaldy taqta ornatyldy, dep habarlaıdy QazAqparat tilshisi.

Memorıaldy taqta Shómishbaı Sarıev turǵan «Samal -2» shaǵynaýdanyndaǵy № 43 úıdiń qabyrǵasyna ornatyldy.

Sharaǵa Almaty qalasy ákiminiń orynbasary Erjan Babaqumarov, zııaly qaýym ókilderi men aqynyń týǵan-týystary qatysty.

«Búgin erekshe tarıhı kún. Qazaqtyń birtýar aqyny Shómishbaı Sarıevtyń turǵan úıinde eskertkish taqta ashyldy. Aqynnyń sózine jazylǵan ánder ár qazaqtyń júreginde máńgi saqtalady. Meniń repertýarymda Shómishbaı aǵanyń sózine jazylǵan biraz án bar «Atameken» ánin erekshe atap ótkim keledi. Bul án keń baıtaq qazaq dalasyna keńinen tanylǵan. Men óte baqyttymyn. Dúnıejúziniń sahnasynda «Atameken» ánin oryndaǵanda kórermender kózderine jas alady. Ásirese, shet eldegi qazaqtardyń júregin eljiretti. Tipti, osy ánniń arqasynda atamekenine oralǵan qandastarymyzda bar. Shómishbaı aǵanyń keremet óleńderi bar kezde, ol kisiniń esimi eshqashan óshpeıdi»,- dedi Qazaqstannyń halyq ártisi Roza Rymbaeva.

Aıta keteıik, aqyn bıyl 15 aqpan kúni 75 jasqa qaraǵan shaǵynda dúnıeden ozdy.

Shómishbaı Sarıev 1946 jyly 15 sáýirde Qyzylorda oblysy, Aral aýdany, Shómish stansasynda dúnıege kelgen. Eńbek jolyn Qazaly aýdandyq «Lenın týy», Aral aýdandyq «Tolqyn» gazetterinen bastaǵan. Keıinnen «Qazaqstan» baspasynyń redaktory, «Juldyz» jýrnaly bóliminiń meńgerýshisi, Qazaqstan Respýblıkasy Ulttyq ǵylym akademııasy Muhtar Áýezov atyndaǵy Ádebıet jáne óner ınstıtýtynyń ǵylymı, aǵa ǵylymı qyzmetkeri bolǵan.

1971 jyly QazMÝ-diń jýrnalıstıka fakýltetin bitirgen.

1996 jyly «Qazirgi qazaq lırıkasynyń izdenisteri» atty taqyrypta ǵylym kandıdaty dárejesin ıelendi. «XX ǵasyrdyń jıyrmasynshy jyldardaǵy poezııasy» atty monografııa jazǵan. Ómiriniń sońǵy jyldarynda M.O.Áýezov atyndaǵy Ádebıet jáne óner ınstıtýtynda ǵylymı qyzmetker boldy.

«Ǵashyqtar jyry», «Bozjorǵa» atty avtorlyq beınetaspasy jaryq kórdi. G.Gýlıa, O.Berggolts, I.Abashıdze, S.Vıkýlov, A.Dementev, F.Alıeva, R.Rojdestvenskıı, M.Emıneský, t.b. aqyndardyń óleńderin qazaq tiline aýdarǵan.

Alǵashqy jyr jınaǵy 1974 jyly «Baldáýren» degen atpen jaryq kórgen. Sodan bergi aralyqta qazaq, orys tilderinde on bes shaqty kitaby shyqty.

Qazaqstannyń eńbek sińirgen qaıratkeri, birinshi dárejeli «Barys» jáne «Parasat» ordenderiniń ıgeri, «Frants Kafka atyndaǵy halyqaralyq Altyn Medal» syılyǵynyń laýreaty, «Platına Tarlan» syılyǵynyń laýreaty.









Bizdiń kanalymyzǵa jazylyńyz:

Bólisińiz:

Avtor:

Alma Muqanova

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT