+7 (701) 759 90 19
USD 375.91 EUR 416.85
RUB 6.10 CNY 54.77
Jańalyqtar

Almatyda sertıfıkattalmaǵan pırotehnıka saýdasy azaıyp keledi

2019 jylǵy 12 jeltoqsan 16:07
Bólisińiz:
Almatyda sertıfıkattalmaǵan pırotehnıka saýdasy azaıyp keledi

ALMATY. QazAqparat – Almatyda zańsyz pırotehnıkalyq buıymdar saýdasy azaıyp keledi. Bul týraly búgin TJD ótkizgen brıfıng barysynda aıtyldy, dep habarlaıdy QazAqparat tilshisi.

Qalalyq Polıtsııa departamenti Azamattyq jáne qyzmettik qarý aınalymyn qadaǵalaıtyn bólimniń aǵa ınspektory Raqym Toloqulovtyń aıtýynsha, 30-ǵa jýyq jeke jáne zańdy tulǵa ákimshilik jaýapkershilikke tartylǵan.

«Bul zańbuzýshylyq QR Ákimshilik quqyqbuzýshylyq týraly kodekstiń 436-baby boıynsha eldi mekenderde atys qarýynan, gazdy, pnevmatıkalyq, laqtyrylatyn jáne elektrli qarýdan oq atý, pırotehnıkalyq buıymdardy qoldaný babymen retteledi. Kóbinese satýshylar arasynda pırotehnıkalyq buıymdy saqtaýda tártip saqtalmaıdy. Bul bap úshin 10-40 AEK aralyǵynda aıyppul tóleýi belgilengen. Aıyppul kólemi kásipkerlik qyzmetiniń túrine baılanysty. Byltyr 30-ǵa jýyq jeke tulǵa ákimshilik jazaǵa tartylǵan», - dedi Raqym Toloqulov..

Osyndaıdy boldyrmaý maqsatynda polıtsııa jyl saıyn «Pırotehnıka» jedel profılaktıkalyq sharasyn ótkizedi. Bul sharanyń 1-kezeńinde halyqty aqparattandyrý jumystary júrgiziledi. 2-kezeńinde pırotehnıkalyq taýarlardy saýdalaý oryndarynda arnaıy reıd júrgiziledi. «Byltyr osyndaı reıd barysynda 2 myń keliden asa taýar tárkilengen. Adamdar pırotehnıkalyq taýar satyp alatyn kezde satýshynyń saýdaǵa lıtsenzııasyn tekserip qana qoımaı, buıymdardyń sertıfıkatyn suraǵany durys», - dedi Raqym Toloqulov..

Mamandardyń aıtýynsha, qazir Almatyda sertıfıkattalǵan pırotehnıkalyq buıym satatyn 5 arnaıy dúken bar. Al bazardaǵy saýdagerlerdiń osyndaı zatty satýǵa lıtsenzııasy joq.

«Jalpy alǵanda sertıfıkattalmaǵan pırotehnıkalyq buıymdardyń zańsyz saýdasy qysqaryp keledi. 2016 jyly Polıtsııa aınalymnan 4 myń keliden astam buıym tárkilese, byltyr 2 myń keliden asa buıym zańsyz aınalymnan alyndy. Zańsyz pırotehnıkalyq buıymdar arnaıy polıgondarda joıylady», - dedi Raqym Toloqulov.

Qalalyq TJD iri saýda oıyn saýyq ortalyqtarynda órt sóndirýshi parovoz beınesindegi agıtatsııalyq materıaldar ornatqan. Qala turǵyndary bul jerlerde pırotehnıkalyq buıymdardy qoldanýdyń qaýipsizdik erejelerimen tanysyp, estelik selfı jasaı alady.

Bizdiń kanalymyzǵa jazylyńyz:

Bólisińiz:

Avtor:

Gúlmıra Ǵosmanálı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT