Jańalyqtar  >
Almatyda Saıran kóliniń tabany tazartylady
2022 jylǵy 11 tamyz 10:27

Almatyda Saıran kóliniń tabany tazartylady

ALMATY. QazAqparat – Jyl sońyna deıin Saıran kóliniń tabanyn tazartý josparda bar. Bul týraly Almaty ákimi turǵyndarmen kezdesý barysynda aıtty, dep habarlaıdy QazAqparat tilshisi.

«2022 jyldyń sońyna deıin Saıran sý qoımasynyń túbin mehanıkalyq tazartý jumystary bastalady. Іrgeles aýmaqty qatar abattandyra otyryp, sý qoımasyn qaıta qurýǵa jobalyq-smetalyq qujattamany (JSQ) ázirlenýde. Ázirleý aıaqtalǵannan keıin 2023 jyldyń 2 toqsanynda jóndeý jumystaryna kirisý kózdelgen»,- deıdi Erbolat Dosaev.

Buǵan deıin shahardaǵy úsh sý qoımasynyń tabany tazartylatyny týraly jazǵan bolatynbyz.

Tehnıkalyq erekshelikke sáıkes, joba kelesi mindetterdi qamtıdy:

- sý túbin tunba men shógindilerden tazartý;

- jobada jergilikti jaǵdaılarǵa jáne mamandandyrylǵan tehnıkanyń bolýyna baılanysty tazartýdyń neǵurlym qolaıly tásilin (nemese tásilder kombınatsııasyn) anyqtaý;

- jaǵalaýdy qoqystan tazartý;

- sý aıdyndarynyń túbin jáne jaǵalaýdy ósimdikterden (qamys, baldyr, jabaıy ósindiler) tazartý;

- tunba kóp jınalǵan aımaqtardy tereńdetý (zertteý nátıjeleri boıynsha anyqtaý);

- erozııaǵa jáne shaıylýǵa ushyraǵan jekelegen ýchaskelerde jaǵalaýdy bekitý qurylǵysy.

Jumys jobasynda mynalar qamtylady:

- sý obektileriniń ekologııalyq jaı-kúıin qalpyna keltirý, qorǵaý sharalary;

- sý basý jáne sýdyń tirshilik áreketin buzý qaýpi men saldarlaryn azaıtý sharalary;

- gıdrotehnıkalyq qurylystardyń qaýipsiz jumys isteýin qamtamasyz etý;

- sý qoımalarynyń gıdravlıkalyq sıpattamalaryn, uzaq ýaqyt boıy alynǵan oń ózgeristeri saqtaý;

Eske salaıyq, shilde aıynda bakterııalardyń anyqtalýyna baılanysty Saıran kóli qurǵatylǵan bolatyn.

Foto: 24.kz





Uqsas jańalyqtar
Seriktester jańalyqtary

Jańalyqtar

Úrdis

MURAǴAT