Almatyda Saıran kólinen 8 adam qutqaryldy
2022 jylǵy 1 shilde 09:51

Almatyda Saıran kólinen 8 adam qutqaryldy

ALMATY. QazAqparat - Shomylý maýsymy bastalǵaly beri Saıran kólinen 8 adam qutqaryldy, onyń ekeýi bala, dep habarlaıdy QazAqparat tilshisi.

Almaty qalalyq Tótenshe jaǵdaılar departamentiniń málimetinshe, shomylý maýsymy bastalǵaly beri belgilenbegen oryndarda sýǵa túskeni jáne sý aıdyndarynda spırttik ishimdik ishkeni úshin 24 adam ákimshilik jaýapqa tartyldy. Aıyppuldardyń jalpy somasy - 87000 teńge.

13 adam QR Ákimshilik quqyqbuzýshylyq týraly Kodeksiniń 364-babyna sáıkes «Ortaq sý paıdalaný erejelerin buzý» boıynsha jazalandy.

QR ÁQBK 440-babyna sáıkes 11 adamǵa «Alkogoldik ishimdikter ishý nemese qoǵamdyq oryndarǵa masań kúıde kelý» boıynsha aıyppul salyndy.

Sonymen qatar, qutqarýshylar Saıran kólinen 8 adamdy qutqardy, onyń ekeýi — bala.

Almaty qalasynyń TJD jalpy sý paıdalaný erejelerin buzbaýǵa jáne tek qalanyń ruqsat etilgen jaǵajaılarynda shomylýǵa keńes beredi.


Seriktester jańalyqtary

Jańalyqtar

Úrdis

MURAǴAT