+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

Almatyda saıası qýǵyn-súrgin qurbandaryn aqtaý jónindegi qalalyq komıssııanyń ekinshi otyrysy ótti

2021 jylǵy 7 mamyr 09:53
Bólisińiz:
Almatyda saıası qýǵyn-súrgin qurbandaryn aqtaý jónindegi qalalyq komıssııanyń ekinshi otyrysy ótti

ALMATY. QazAqparat - Almaty qalasy ákiminiń orynbasary Erjan Babaqumarov onlaın formatta saıası qýǵyn-súrgin qurbandaryn aqtaý máseleleri jónindegi qalalyq komıssııanyń ekinshi otyrysyn ótkizdi, dep habarlady QazAqparat tilshisi.

Uqsas jańalyqtar
Almatyda Súıinbaı kóshesinde kólik qozǵalysy shekteledi Almatyda kólik ınfraqurylymyn damytý jónindegi keńes quryldy Almaty turǵyndarynyń 23% ımmýnıtet qalyptasty – Bekshın

Komıssııa jumysynyń basty maqsaty - saıası qýǵyn-súrgin qurbandaryn aqtaý máselelerin jan-jaqty zertteý jáne sheshý.

Almatyda qalalyq komıssııasynyń 2021 jylǵa arnalǵan jumys jospary iske asyrylýda, onyń aıasynda ǵylymı, saraptamalyq áleýeti jáne barlyq múddeli uıymdardy tarta otyryp, jumys júrgizilýde. 9 qalalyq jumys toby qurylyp, muraǵat kózderi men basqa da materıaldardy jınaý, zerdeleý boıynsha negizgi baǵyttar aıqyndaldy.

Komıssııa tóraǵasynyń orynbasary, Abaı atyndaǵy Qazaq ulttyq pedagogıkalyq ýnıversıtetiniń kafedra meńgerýshisi, tarıh ǵylymdarynyń doktory, dotsent Baýyrjan Janǵuttın qýǵyn-súrgin túrlerin, qýǵyn-súrginge ushyraǵandardyń sanattaryn naqtylaý jáne jınaqtalǵan aqparat tizbesin qalyptastyrý boıynsha jumys júrgizilip jatqanyn aıtty.

Saıası qýǵyn-súrgin qurbandarynyń barlyq sanattaryna qatysty tarıhı ádilettilikti qalpyna keltirý jónindegi jumys tásilderi boıynsha jumys toptarynyń jetekshileri Sh. Zabıh, M. Gýbaıdýllına, A. Qudaıbergenova, N. Alpysbaeva, B. Qabdýshev, G. Nurymbetova, G. Muqanova, T. Qultaev, Z. Tólenova tyńdaldy.

Almaty qalasy Qoǵamdyq keńesiniń tóraǵasy, ekonomıka ǵylymdarynyń doktory, professor R. Alshanov, «Ortalyq Memlekettik muraǵat» respýblıkalyq memlekettik mekemesiniń dırektory S. Sheldibaı jáne t. b. usynystar men túsiniktemeler berdi.

Qalalyq komıssııa tóraǵasy, Almaty qalasy ákiminiń orynbasary Erjan Babaqumarov barlyq aqparatty jınaýdyń mańyzdylyǵyn atap ótti. Barlyq muraǵattyq derekterdi retke keltirý jáne toptastyrý negizsiz bolǵan saıası qýǵyn-súrgin qurbandaryn tolyq aqtaýǵa eleýli serpin beredi. Osyǵan baılanysty qýǵyn-súrginge ushyraǵandardy eske alýǵa arnalǵan biryńǵaı saıt, sondaı-aq Almaty aýmaǵynda qamaý oryndarynyń ınteraktıvti kartasyn qurý múmkindigin pysyqtaý tapsyryldy.

Komıssııa jumysy tıimdiliginiń basty kórsetkishi ótken ǵasyrdyń 30-jyldary repressııaǵa ushyraǵan taǵdyr ıelerin, olardyń esimderin, qala turǵyndaryn aqtaý bolyp tabylady, sol arqyly el Prezıdenti Qasym-Jomart Toqaevtyń QR saıası qýǵyn-súrgin jáne asharshylyq qurbandaryn tolyq aqtaý jónindegi tapsyrmasy oryndalady. Osy baǵytta sapaly jumysty bastaý da tapsyrylǵan.

Almaty qalasy komıssııasynyń jumys toptaryna saıası sebepter boıynsha negizsiz qýǵyn-súrginge ushyraǵandar týraly aqparat almasý jáne birlesken jumystyń tıimdiligin arttyrý úshin eldiń ózge qalalyq jáne óńirlik komıssııalarymen ózara is-qımyl júıesin jolǵa qoıý, sondaı-aq sheteldik muraǵattarmen jumys máselesin pysyqtaý tapsyryldy. Qalalyq basqarmalar men tıisti uıymdar saıası qýǵyn-súrgin qurbandaryn aqtaý máseleleri jónindegi komıssııanyń jumysyna járdem kórsetýi qajet.

Aıta keteıik, saıası qýǵyn-súrgin qurbandaryn aqtaý jónindegi qalalyq komıssııanyń jumysy QR Prezıdenti Qasym-Jomart Toqaevtyń 2020 jylǵy 24 qarashadaǵy «Saıası qýǵyn-súrgin qurbandaryn tolyq aqtaý jónindegi memlekettik komıssııa týraly» Jarlyǵyna sáıkes bastaldy.


Bizdiń kanalymyzǵa jazylyńyz:

Bólisińiz:

Avtor:

Alma Muqanova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT