FÝTBOLDAN ÁLEM ChEMPIONATY-2022
  Jańalyqtar  >

Almatyda sabaqqa ketken 4 oqýshy qyz bir táýlik boıy úıine oralmaǵan

2022 jylǵy 6 qazan, 00:25
Almatyda sabaqqa ketken 4 oqýshy qyz bir táýlik boıy úıine oralmaǵan

ALMATY. QazAqparat - Almatyda 4 qazan sabaqqa ketip, sodan beri habarsyz qalǵan tórt qyz tabyldy, dep habarlaıdy QazAqparat.

Bul týraly joǵalǵandardy izdeýmen aınalysatyn «Lıder» volonterler toby málim etti.

Olardyń aıtýynsha, tórt jetkinshekti izdeý jumysy keshe tańǵy úshke deıin jalǵasqan.

Qyzdar 10, 11 jáne 14 jasta. Onyń ekeýi - apaly-sińlili baýyrlar.

Eriktiler Naýryzbaı aýdany polıtsııa qyzmetkerlerimen birlesip, «Alma sıtı» turǵyn úı kesheni men Abaı aýyly tóńiregin súzip shyqqan. Óıtkeni joǵalǵan qyzdardyń telefony shamamen osy aımaqtarda qosylyp-sóndirilgen.

Іzdeý jumysy sonymen qatar Taraz qalasynda da júrdi. Onda eriktiler qalaaralyq tasymalmen aınalysatyn avtobýstardy toqtatyp, teksergen. Qyzdar basqa qalaǵa ketip qaldy ma degen kúdik bolǵan.

Úshten keıin qyzdar tabylmaǵan soń eriktiler úıge qaıtqan.

Tańǵy altyda naýryzbaılyq polıtseılerdiń qyzdardy aman-esen taýyp, polıtsııa basqarmasyna jetkizgeni belgili boldy.


Tegı:
Almaty   Oqıǵa   Bala  
Seriktester jańalyqtary

Jańalyqtar