+7 (701) 759 90 19
USD 389.62 EUR 429.98
RUB 6.06 CNY 55.08
Jańalyqtar

Almatyda QS World Wide dúnıejúzilik konferentsııasy bastaldy

2019 jylǵy 19 qyrkúıek 11:44
Bólisińiz:
Almatyda QS World Wide dúnıejúzilik konferentsııasy bastaldy

ALMATY. QazAqparat – Almatyda ál-Farabı atyndaǵy Qazaq ulttyq ýnıversıtetiniń qabyrǵasynda «Adamı mura jáne joǵary tehnologııalar úılesimi negizinde jetilý» taqyrybynda álemdik konferentsııa men kórme ótip jatyr, dep habarlaıdy QazAqparat tilshisi

QS World Wide halyqaralyq bilim forýmyna QR Premer-Mınıstriniń orynbasary Berdibek Saparbaev, Almaty qalasynyń ákimi Baqytjan Saǵyntaev, BUU, ıÝNESKO jáne ózge de halyqaralyq uıymdardyń ókilderi, akademııalyq ortanyń 800-den astam kóshbasshysy, jetekshi ýnıversıtetterdiń prezıdentteri men rektorlary, sondaı-aq 40-tan astam eldiń ǵalymdary, sarapshylary qatysyp jatyr. Olar ǵylym, ozyq tehnologııalar men rýhanı qundylyqtardy ıntegratsııalaý aıasynda ýnıversıtetterdiń bolashaq damýynyń jańa modelin talqylaýda.

Berdibek Saparbaev Úkimet basshysy Asqar Mamınniń quttyqtaý sózin jetkizdi.

«Búgingi tańda elimiz bilim berý, ǵylym jáne básekege qabilettilik máselelerin sheshýde, ýnıversıtetterge akademııalyq táýelsizdik berildi. Bul sharalardyń barlyǵy ýnıversıtetterdiń ǵylymı, bilim berý, tehnologııalyq jáne gýmanıtarlyq keńistiktegi yqpalyn arttyrýǵa baǵyttalǵan. BUU usynǵan Adamnyń damý ındeksi Qazaqstan halqynyń bilim deńgeıiniń joǵary ekendigin kórsetedi. Búgin bilim, ǵylym, ınnovatsııalyq tehnologııalar men shynaıy rýhanı qundylyqtardyń ıntegratsııasy aıasynda ýnıversıtetterdiń damý bolashaǵyn jan-jaqty talqylaıtynyna senimdimin. Sizderdiń ınnovatsııalyq ıdeıalaryńyz, shyǵarmashylyq bastamalaryńyz iske asady jáne adamı kapıtaldy odan ári damytýǵa yqpal etedi dep senemin», - delingen A.Mamınniń sózinde.


QazUÝ álemniń 130-dan astam jetekshi joǵary oqý oryndaryn biriktiretin Jibek joly ýnıversıtetteri Alıansynyń teń quryltaıshysy bola otyryp, birqatar iri jobalardy iske asyrýda. Onyń ishinde halyqaralyq ІT-tehnoparkin qurý boıynsha belsendi jumys atqaryp keledi.

«QS World Wide halyqaralyq bilim berý forýmy Ortalyq Azııada, sonyń ishinde Almatyda alǵash ret ótip otyr. Óıtkeni, dál osy jerde elimizdiń joǵary mektebi qurylyp, jaqsy damyp keledi. Elimizdegi árbir úshinshi stýdent Almatyda oqıdy. Osydan 15 jyl buryn qazaqstandyq ýnıversıtetter QS World University Rankings reıtıngine tuńǵysh ret endi. Ol kezde Qazaqstannan bir ǵana ýnıversıtet bolǵan. Az ǵana ýaqyt ishinde bizdiń ýnıversıtetter úlken jetistikterge qol jetkizdi. 2019 jylǵa deıin bizdiń 10 JOO reıtıngke kirdi, olardyń altaýy Almatyda ornalasqan», - dedi konferentsııanyń barysynda Almaty qalasynyń ákimi Baqytjan Saǵyntaev.


Sonymen qatar, QR Tuńǵysh Prezıdenti – Elbasy qory, G-Global Halyqaralyq hatshylyǵy jáne QazUÝ bastamasymen «2030 - turaqty damý maqsattaryn iske asyrýdaǵy jastardyń róli» jahandyq kongresi ótip jatyr.



Bizdiń kanalymyzǵa jazylyńyz:

Basty sózder: QR Úkimeti, Almaty, Bilim, JOO-lar, Aımaq,
Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT