Almatyda prank jasaǵandar jazalandy - polıtsııa
2022 jylǵy 22 sáýir 14:15

Almatyda prank jasaǵandar jazalandy - polıtsııa

ALMATY. QazAqparat - Almatyda «qyz alyp qashyp» prank jasaǵandar jazalanady. Qazir polıtseıler qandaı shara qoldanatyndaryn sheship jatyr, dep habarlaıdy QazAqparat tilshisi.

«Prank uıymdastyrý boıynsha zańda arnaıy bap joq. Sondyqtan qazir prank jasaǵandardy jazalaý máselesi sheshilýde. Olardyń áreketine quqyqtyq baǵa beriledi. Qandaı jaza qoldanylatyny sál keıinirek belgili bolady», - dep habarlady qalalyq polıtsııa departamentinen.

Atalǵan derek boıynsha tekserý sharalary júrgizilip, nátıjesinde onyń uıymdastyrýshylary men qatysýshylary anyqtalǵan bolatyn.

Prank jasaǵan 18 jastaǵy boıjetken halyqtan keshirim surady.

Al «Shevrole Neksıa» avtokóliginiń júrgizýshisi – 1988 jyly týǵan I.esimdi azamat ákimshilik jaýapqa tartyldy.

Eske salaıyq, qyz alyp qashqandardyń vıdeosy keshe áleýmettik jelide tarǵan bolatyn.

Keıin tártip saqshylary osy oqıǵaǵa qatysty polıtsııaǵa eshqandaı aryz túspegenin aıtty.


Jańalyqtar

Úrdis

MURAǴAT