+7 (701) 759 90 19
USD 411.54 EUR 458.13
RUB 5.84 CNY 57.64
Jańalyqtar

Almatyda polıtsııa kóshede sebepsiz júrgen 11 adamdy jaýapqa tartty

2020 jylǵy 5 sáýir 10:00
Bólisińiz:
Almatyda polıtsııa kóshede sebepsiz júrgen 11 adamdy jaýapqa tartty

ALMATY. QazAqparat - Almatyda tótenshe jaǵdaı rejımin buzǵany úshin 14 avtokólik aıyppul turaǵyna qoıyldy, – dep habarlaıdy Polisia.kz.

Ótken táýlik ishinde, mamandandyrylǵan aýdanaralyq ákimshilik soty QR Ákimshilik quqyq buzýshylyq týraly kodeksiniń 476-babyna (tótenshe jaǵdaı rejımin buzý) sáıkes 19 ákimshilik materıaldy qarady, onyń ishinde ákimshilik qamaýǵa alý – 12, aıyppul – 7. Osylardyń arasynda QR ÁQbK-niń 476 baby 6-tarmaǵyna sáıkes kóshede negizsiz júrgeni úshin 11 adam ákimshilik jaýapqa tartyldy. Onyń 8-i qamaýǵa alynyp, 3 adamǵa aıyppul salyndy. Qalada karantın bastalǵaly beri 292 adam ákimshilik jaýapqa tartyldy. Onyń ishinde 147 adam ákimshilik qamaýǵa alynsa, 139 adamǵa aıyppul salyndy, 6-ýyna eskertý berildi.

Qazirgi ýaqytta qalada jaıaý patrýldik jumystarǵa 3 myńǵa jýyq adam tartylǵan, olardyń 1 myń 500-i polıtsııa qyzmetkerleri, Qorǵanys mınıstrliginiń 400-ge jýyq áskerı qyzmetshisi jáne Ulttyq ulannyń 1 myń 500 áskerı qyzmetkeri, olar turǵyndarǵa úıde otyrý qajettiligi týraly túsindirme jumystaryn júrgizýde. 997 patrýldik baǵyttar jasaldy. Jalpy alǵanda, Almatydaǵy karantındik sharalarǵa Departamenttiń jáne Ulttyq ulan men Qorǵanys mınıstrliginiń jeke quramynan 5 myń 500-ge jýyq adam qatysady.

Qalada 26 blokpost uıymdastyryldy, oǵan 208 polıtsııa qyzmetkeri tartyldy. Jalpy bir táýlikte qala boıynsha 6,540 avtokólik tekserildi. Aýdandyq PB-na baqylaý-ótkizý beketterinen 21 avtokólik júrgizýshileri qalada eshqandaı sebepsiz júrgenderi úshin jetkizildi, 14 kólik quraly aıyppul turaǵyna ornalastyryldy.

«AIS BDD» AÓK-niń 3 sáýirdegi taldaýy boıynsha qalanyń negizgi kóshelerinde kólikterdiń qozǵalysy edáýir tómendegenin kórsetti. Sonymen, saǵat 11.00-den 12.00-ge deıingi aralyqta kameralar arqyly tirkelgen kólikter sany 3 myń 764 boldy(AShAJ, Raıymbek-Saın, Seıfýllın-Jansúgirov, Tólebı-Rozybakıev) barlyq baǵytta. Osyǵan uqsas ýaqyt kezeńinde 11 naýryzda atalǵan kóshelerdegi kólik sany 15 myń 386 qurady.
Bizdiń kanalymyzǵa jazylyńyz:

Basty sózder: Almaty, Zań, Koronavırýs,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT