+7 (701) 759 90 19
USD 422.87 EUR 512.1
RUB 5.63 CNY 64.49
Jańalyqtar

Almatyda ózge ult ókilderi til úırený tájirıbesimen bólisti

2020 jylǵy 23 qazan 14:35
Bólisińiz:
Almatyda ózge ult ókilderi til úırený tájirıbesimen bólisti

ALMATY. QazAqparat – Almatyda «Uly dalanyń ultaralyq tili» atty І respýblıkalyq kongress barysynda ózge ult ókilderi til úırený tájirıbesimen bólisti, dep habarlaıdy QazAqparat tilshisi.

Búgingi oflaın kezdesýge memlekettik tildi erkin meńgergen 14 etnos ókili qatysty. Olardyń arasynda orys, ázerbaıjan, belarýs, armıan, nemis, ýkraın, sheshen, kúrd, uıǵyr ultynyń jastary bar. Shara memlekettik tilde ótti.

Qazaqstan halqy Assambleıasynyń múshesi Nargızam Mahmýdovanyń aıtýynsha, memlekettik tildi úıretý balabaqshadan bastalýy tıis.

«Meniń oıymsha, qazirgi tańda Qazaqstanda ómir súretin árbir azamat pen azamatshanyń memlekettik tildi bilýi – paryz dep esepteımin. Qaı ult bolmasyn, memlekettik tildi bilýi asa mańyzdy. Memlekettik tildi damytý besikten desek, balabaqshada memlekettik tildi damytýǵa asa mán berilýi qajet. Sonyń nátıjesinde ol eseıip, memlekettik qyzmetke kirisken sátinde qazaq tilin meńgerýden qıyndyq kórmeıtini sózsiz. Olardyń mártebesi de ústem bolatyny anyq»,– deıdi Nargızam Mahmýdova.


Jıynǵa qatysýshy Elnara Tashanovanyń pikirinshe, til meńgerýde arnaıy ádistemelik toptama ázirleý qajet.

«Qazirgi tehnıka damý zamanynda ártúrli taqyryp aıasynda chat-bottar men marafondar uıymdastyrylýda. Osy júıede til tóńireginde de onlaın toptar uıymdastyryp, adamdardy qyzyqtyrsa, qazaq tilin úırenýge de qyzyǵýshylyq pen suranys óser edi . Biraq, tildi meńgergen deńgeıi ártúrli bolǵandyqtan, kishkene qıynshylyqtar týyp jatady. Sondyqtan, meniń oıymsha qazaq tilin oqytýda tildi meńgerý deńgeıine bólý kerek shyǵar. Sonda ár deńgeıdegi adamdarǵa belgili bir ádistemelik ustanymdar daıyndaýǵa jeńilirek bolar edi. Máselen aǵylshyn tilin meńgergendigin A1, A2B V1, V2,S1, S2 deńgeıleri arqyly kórsetiledi, osy júıede jumys jasasaq bolady.Qazaq tilin úırenýge jáne sol tilde oqytýǵa keletin bolsaq, tilimizdiń grammatıkasyn, leksıkasyn jáne orfografııasyn damytýǵa arnalǵan birynǵaı jol bolmaǵandyqtan, osy til oqý turǵysynan kúrdeli qabyldanady»,– deıdi Elnara Tashanova.

Kongresste árbir qatysýshy ózin tanystyryp, qazaq tilin úırenýge qatysty oılaryn kezekpen ortaǵa saldy.

Aıta keteıik, Almatyda «Uly dalanyń ultaralyq tili» atty birinshi respýblıkalyq kongress ótti.


Bizdiń kanalymyzǵa jazylyńyz:

#Almaty   #Til  
Bólisińiz:

Avtor:

Alma Muqanova

Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT