+7 (701) 759 90 19
USD 445.84 EUR 490.47
RUB 5.73 CNY 62.87
Jańalyqtar

Almatyda ótetin frıstaıldan Álem kýbogy kezeńderine 17 eldiń sportshylary qatysady

2020 jylǵy 26 aqpan 12:27
Bólisińiz:
Almatyda ótetin frıstaıldan Álem kýbogy kezeńderine 17 eldiń sportshylary qatysady

ALMATY. QazAqparat – 28 aqpanda Almaty qalasynda Mountain Ski Resort Oi-Qaragai Lesnaya Skazka kýrortynda frıstaıldan FIS álem kýbogynyń kezeńderi bastalady, dep habarlaıdy QazAqparat tilshisi.

Uqsas jańalyqtar
Fýtbol: «Qaıratqa» reseılik jartylaı qorǵaýshy keldi Qazaqstandyq fýtbolshy «Zenıt» komandasyna aýysty Fýtzaldan QR quramasy men bas bapker álemdegi úzdik nomınanttardyń tizimine endi

Búgin uıymdastyrýshylar Almatyda baspasóz máslıhatyn ótkizdi. Olar dúbirli dodaǵa qalaı daıyndalyp jatqany týraly aıtty. Dúnıeniń ár túkpirinen kil myqty sportshylardyń basyn biriktiretin jarysqa álemde taralyp jatqan koronavırýs qalaı áser etetindigin túsindirdi.

Frıstaıldyń mogýl jáne shańǵy akrobatıkasy túrlerinen saıysqa 17 elden sportshylar keledi. Kórermender Eýropa, Azııa, AQSh, Kanada, Reseı arnalary arqyly tikeleı tamashalaı alady.

QR Shańǵy sporty qaýymdastyǵynyń bas hatshysy Asqar Ýálıevtiń aıtýynsha, koronavırýsqa baılanysty sheteldik sportshylardyń Qazaqstanǵa kirýine qatysty azdaǵan kedergiler bolǵanymen, qazir qaýiptenetin sebep joq.

«Shańǵy akrobatıkasyna qatysatyn Mınsk, Kıev, Ystanbul qalalarynan kelgen sportshylar sońǵy 2 aıda Qytaı aýmaǵynda bolmaǵan. Biz olardyń tólqujattaryn aldyn ala tekserdik. Barlyq komanda aman-esen keldi. Áýejaıda QR DSM talaptaryna saı tekserýden ótti. Qazir olardyń barlyǵy qonaq úılerge ornalasty. Daıyndyqty bastap ketti», - dedi Asqar Ýálıev.

Halyqaralyq shańǵy sporty túrleri federatsııasynyń (FIS) Frıstaıldan álem kýbogynyń dırektory Djo Fıttsjerald atalǵan indetke baılanysty Qytaıdan shekteýli komanda kelgenin aıtty. Onyń ishinde Qytaı terrıtorııasynda sońǵy 2 aıda bolmaǵan tek mogýl sporty ókilderi ǵana kelgen.

Shańǵy akrobatıkasy boıynsha Qytaı komandasy saıysqa qatyspaıdy.

«Qytaıda ulttyq saıys bolmaıtyn bolǵan soń Qytaı komandasy Belarýs eliniń Mınsk qalasynda jattyǵyp jatyr. Olar Krasnoıarsk qalasynda eki aptadan soń ótetin Álem kýbogynyń aqtyq synynda shyǵatyn bolady», - dedi Djo Fıttsjerald.

Uıymdastyrýshylardyń aıtýynsha, qys jyly bolǵanmen Almatyda shańǵy joldary saıysqa daıyn.

Bul saıystarda Qazaqstannyń namysyn Olımpıada oıyndarynyń qola júldegerleri men Álem kýbogy kezeńderiniń jeńimpazdary ıÝlııa Galysheva, Dmıtrıı Reıherd, Pavel Kolmakov, Aıaýlym Ámirenova, Sergeı Romanov, Janbota Aldabergenova, Aqmarjan Qalmyrzaeva qorǵaıtyn bolady.

Frıstaıldan Álem kýbogynyń kezeńderi 1980 jyldan beri jyl saıyn ótip keledi.


Bizdiń kanalymyzǵa jazylyńyz:

Basty sózder: Almaty, Sport,
Bólisińiz:

Avtor:

Gúlmıra Ǵosmanálı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT