+7 (701) 759 90 19
USD 380.19 EUR 419.01
RUB 6.08 CNY 54.81
Jańalyqtar

Almatyda ótetin «Álem barysy» chempıonatynyń júlde qory 20 mln teńgeni quraıdy

2019 jylǵy 28 qarasha 14:54
Bólisińiz:
Almatyda ótetin «Álem barysy» chempıonatynyń júlde qory 20 mln teńgeni quraıdy

ALMATY. QazAqparat - 2 jeltoqsan kúni Almaty qalasyndaǵy «Balýan Sholaq» sport saraıynda QR Tuńǵysh Prezıdenti kúnine oraılastyrylǵan qazaq kúresinen absolıýtti «Álem barysy» chempıonaty ótedi, dep habarlaıdy QazAqparat «Qazaqstan Barysy» qazaq kúresin damytý jáne qoldaý qorynyń baspasóz qyzmetine silteme jasap.

Uqsas jańalyqtar
Dáýren Abaev: «Álem barysy» qazaq kúresin Olımpıada oıyndaryna qosý jolyndaǵy aýqymdy jobalardyń biregeıi Almatyda «Álem barysy» bastaldy Tarazdaǵy halyqaralyq týrnırde balýandarymyz 17 medal oljalady

Chempıonat Qazaqstannyń tarıhı jáne mádenı murasyn damytý, shet elderde qazaq kúresin damytý barysyndaǵy yntymaqtastyq pen ózara baılanysyn nyǵaıtý, qazaq kúresin halyqaralyq deńgeıde odan ári jetildirý, nasıhattaý jáne bedelin kóterý, qazaq kúresinen «Álem barysyn» anyqtaý maqsatynda júzege asyrady.

Tórtinshi ret ótetin básekege 30 elden 33 balýan qatysady. «Álem Barysy» atanýǵa AQSh, Avstralııa, Azerbaıjan, Brazılııa, Grekııa, Grýzııa, Úndistan, Iran, Ispanııa, Italııa, Kamerýn, Kongo, Koreıa, Kýba, Qyrǵyzstan, Lıtva, Mońǵolııa, Nıderlandy, Pákistan, Polsha, Reseı, Slovenııa,Tájikstan, Túrkimenstan, Túrkııa, Ózbekstan, Ýkraına, Estonııa, ıAponııa sekildi elderdiń jáne Qazaqstannyń ataqty balýandary qatysady.

Bul synda elimizdiń namysyn A.Nuǵymarov (ShQO), R.Ábdirazaqov (Almaty qalasy), A.Seıten (Nur-Sultan qalasy), N.Jarylǵapov (Mańǵystaý oblysy) syndy balýandar qorǵaıdy.

«Álem barysy» chempıonaty 2 jeltoqsanda 13:00-de balýandardyń jerebe tartý rásiminen bastalmaq. Shara aıasynda kórermenderge sporttyq saıystarmen qatar qazaqstandyq estrada juldyzdarynyń qatysýymen kontserttik baǵdarlama usynylady.

«Álem barysy» chempıonatynyń bıylǵy júlde qory 20 mıllıon teńgeni quraıdy. Jeńimpaz atanǵan balýanǵa 10 mln teńge jáne altyn belbeý, ekinshi oryn ıegerine 6 mln teńge jáne úshinshi oryn ıegerine 3 mln teńge, sáıkesinshe kúmis jáne qola belbeýlermen marapattalady. Al, «kórermen kózaıymy» atanǵan sportshyǵa 1 mln teńge beriledi.

Sondaı-aq, jyldaǵy dástúrge saı jankúıerler arasynda avtokólik oınatylady. Bıletter zakazbiletov.kz saıtynda satylýda. Baǵasy 500 teńge men 2000 teńge aralyǵynda.

Chempıonatty Almaty qalasy ákimdiginiń qoldaýymen, QR Mádenıet jáne sport mınıstrliginiń Sport jáne dene shynyqtyrý isteri komıteti, QR qazaq kúresi federatsııasy jáne «Qazaqstan Barysy» qazaq kúresin damytý jáne qoldaý qory uıymdastyrýda. Sonymen qatar, «Qazaqtelekom» AQ, «ORDA-INVEST» Korporatsııasy jáne «Sátti juldyz» AQ demeýshilik jasaıdy.

Bizdiń kanalymyzǵa jazylyńyz:

Basty sózder: Almaty, Sport,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT