+7 (701) 759 90 19 Lenta
USD 386.71 EUR 429.17
RUB 6.02 CNY 54.66
Jańalyqtar

Almatyda  «Ortalyq - Azııa jastar festıvali» bastaldy

2019 jylǵy 22 tamyz 14:10
Bólisińiz:
Almatyda  «Ortalyq - Azııa jastar festıvali» bastaldy

ALMATY. QazAqparat - Almatyda «Central Asia Youth Festival» (CAYF) І Ortalyq - Azııa jastar festıvaliniń ashylý saltanaty ótti, dep habarlaıdy QazAqparat tilshisi.

Uqsas jańalyqtar
Jıhadty qarýmen emes, bıznespen jasaý beleń alyp barady Keıbir jańa din aǵymdary psıhotropty zattardy da qoldanady – maman pikiri Qostanaı jastaryna Prezıdenttik kadrlyq rezervke irikteý týraly túsindirildi

«Shymbulaq» taý shańǵysy kýrorty aýmaǵynda Qazaqstan, Qyrǵyzstan, Tájikstan, Túrikmenstan, Ózbekstan, Ázerbaıjan jáne Túrkııadan 18-29 jas aralyǵyndaǵy 300-den astam jas jınaldy.

Ashylý saltanatyna QR Tuńǵysh Prezıdenti – Elbasy qorynyń atqarýshy dırektory Áset Isekeshev pen Almaty qalasynyń ákimi Baqytjan Saǵyntaev jáne QR Aqparat jáne qoǵamdyq damý vıtse-mınıstri Marat Ázilhanov qatysty.

«Bul forým aımaqtaǵy beıbitshilik pen órkendeý jolyndaǵy mańyzdy qadam. Turaqtylyq pen qaýipsizdikti nyǵaıtýǵa shaqyrady. Bul Orta Azııadaǵy baýyrlas halyqtardyń ortaq tarıhy men ortaq áleýmettik-ekonomıkalyq jáne mádenı kontekstegi syndarly dıalogynyń jańa modeli. Bolashaq jastardyń qolynda. 2019 jyl Qazaqstanda Jastar jyly bolyp jarııalandy. Bul qazirgi zamanǵy qaýip-qaterlerge jaýap beretin, jedel áreketti qajet etetin sheshim. Jahandaný kezinde resýrstardyń qoljetimdiligi básekege qabiletti memleket qalyptastyrýda sheshýshi ról atqarady. Búgingi tańda adam kapıtaly - bul ult tabysynyń basty faktory. Qarý jarysy, ıntellekt jarystaryna jol berdi. Demek, Sizder ózderińizdiń sheksiz potentsıalyńyz ben qabiletińizge, kúsh- qýatyńyzǵa konstrýktıvti nazar aýdarýyńyz kerek. Bizdiń bar úmitimiz, kúshimiz jáne tiregimiz jastar. Bizdiń altyn qorymyz da Sizder. Bul festıval rýhtandyratyn durys baǵytty qalyptastyratyn shara. Bizdiń festıval - bul alǵashqy qadam. Alda uzaq ári qyzyqty saıahat kútip tur. Aq jol, meniń dostarym!»,- Áset Isekeshev QR Tuńǵysh Prezıdenti Elbasy Nursultan Nazarbaevtyń quttyqtaý sózin oqyp berdi.



Óz kezeginde, Almaty ákimi festıval jyl saıyn ótkizilýi múmkin ekenin atap ótti.

«Qysta, demalys kúnderi Shymbulaqqa 10 myńnan astam adam keledi. Buryn demalýshylar munda tek qys mezgilinde ǵana keletin. Qazir olardyń qatynasy 50 de 50-ge teń. Shymbulaq kez-kelgen ýaqytta ádemi. Bizdiń ásem taýlar Sizderge unady dep oılaımyn. Bul jerge áli dostaryńyzdy ertip birneshe márte keletinderińizge senimdimin. Almaty - jastar qalasy. Statıstıkaǵa sáıkes, azamattardyń 37% 14 pen 35 jas aralyǵyndaǵy jastar. Elimizdegi stýdentterdiń 26% bizdiń qalada oqıdy. Bul festıval ózektiligin dáleldeıtinine senimdimin. Jastardyń bul úrdisi jalǵasýy kerek jáne Almaty qalasynyń ákimdigi Sizderdi jyl saıyn qarsy alýǵa daıyn. Bizdiń taýlar kúnine 10 myń adamdy qabyldaı alady kelińizder», - dedi Baqytjan Saǵyntaev.



Marat Ázilhanov festıvalǵa jınalǵandardy QR Aqparat jáne qoǵamdyq damý mınıstrliginiń atynan qutyqtady.

«Meniń oıymsha, Sizder júzege asyrylatyn barlyq jobalar týraly bilesizder. Kelesi jyly, ıaǵnı eriktiler jylyna da aýqymdy sharalar daıyndalýda. Sizderdiń elderińizde óte qyzyqty jobalar bar ekenine jáne jastar salasynda kóp jumys jasalyp jatqanyna senimdimin. Kez kelgen elde adamnyń, qoǵamnyń jáne memlekettiń múddeleri bir nársede biriktiriledi - adamnyń úılesimdi jáne jan-jaqty tulǵalyq damýynda. Bul is-sharalar dál osyǵan baǵyttalǵan. Sizderge sáttilik tileımin»,- dedi vıtse-mınıstr.

Іs-shara jas kóshbasshylardyń áleýetin damytýǵa, Ortalyq Azııa jastary úshin turaqty dıalog alańyn qurýǵa, aımaqtyq ıntegratsııaǵa, seriktestik qarym-qatynas ornatýǵa, aımaq elderiniń jastar resýrstaryn jumyldyrýǵa jáne jastar saıasatyndaǵy ozyq tájirıbemen almasýǵa baǵyttalǵan.

Eki kúndik festıval baǵdarlamasyna túrli sessııalar, sheberlik-sabaqtar, dızaınerlik jumystar jáne pıtchıng- sessııalary kiredi.

Sharany QR Tuńǵysh Prezıdenti - Elbasynyń qory jáne Almaty qalasynyń ákimdigi uıymdastyrýda. Festıval Jastar jylyna arnaldy.











Bizdiń kanalymyzǵa jazylyńyz:

Basty sózder: Jastar jyly, Jastar, Qoǵam, Mádenıet, Almaty,
Bólisińiz:

Aýdarma:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT