Almatyda onlaın qurban shalýǵa arnalǵan maldyń baǵasy jarııalandy
2022 jylǵy 7 shilde 13:11

Almatyda onlaın qurban shalýǵa arnalǵan maldyń baǵasy jarııalandy

ALMATY. QazAqparat - Almatyda onlaın qurbandyq shalýǵa múmkindik beretin qurban2022.kz saıty jumys istep tur. Saıt arqyly tapsyrys bergen adamdarǵa qurbandyq shalynǵany týraly vıdeoesep joldanady, dep habarlaıdy QazAqparat tilshisi.

Almaty qalasynyń bas ımamy Ospan Tólebıdiń aıtýynsha, shaharda Qurban aıt merekesin joǵary deńgeıde atap ótý josparlanǵan.

Qaladaǵy 53 meshitte 9 shilde tańǵy saǵat 06:30-da merekelik aıt namazy oqylady.

Sonymen qatar, ol ótken jyldardaǵy tájirıbege saı kópshiliktiń suranysymen onlaın qurban shalý rásimi iske qosylǵanyn jetkizdi.

«Onlaın tapsyrys berý úshin qurban2022.kz saıty qaıta iske qosyldy. Saıt arqyly tapsyrys bergen adamdarǵa qurbandyǵy shalynǵany týraly vıdeo esep joldanady. Onlaın qurban shalý «Altyn Orda» bazary mańyndaǵy Abaı aýyly Altyn saqa bazarynda iske asady. Qala turǵyndary osy bazarǵa kelip, ózderine unaǵan maldy satyp alyp, qurbandyq shala alady»,-dedi qalanyń bas ımamy.

Sondaı- aq ol qurbandyq etin alýǵa ótinish bildiretin adamdar qurban2022.kz saıtyna ózderiniń muqtaj ekenin kórsetip, ótinish bere alatynyn jetkizdi.

«Almatyda qoı 75 000, eshki 47 000, iri qara 392 000 teńge turady. Saıtta kórsetilgen mal baǵasyna qasapshynyń jalaqysy kiredi. Basqa da qyzmet túrleri (maldy bólek soıý, borshalaý jáne muqtajdarǵa jetkizý) tegin kórsetiledi»,- dedi ol.


Seriktester jańalyqtary

Jańalyqtar

Úrdis

MURAǴAT